फारस के खाड़ी

टेम्पलेट:Infobox body of waterफारस के खाड़ी पच्छिमी एशिया में एगो समुंद्री हिस्सा बा जे लगभग चारों ओर से जमीन से घेराइल बाटे, पातर खा जलजोड़, हरमुज के जलजोड़ एकरा के हिंद महासागर (ओमान के खाड़ी) से जोड़े ला। एक तरह से कहल जा त ई हिंद महासागर के जमीनी इलाका के भीतर ले घुसल बिस्तार हवे जेकरे एक ओर अरब प्रायदीप बा आ दुसरे ओर ईरान (फारस)। एह खाड़ी के उत्तर पच्छिमी माथ पर शत अल अरब नदी आ के एह में आपन डेल्टा बनावे ले।

खाड़ी ईरान-ईराक जुद्ध के क्षेत्र रह चुकल बा, खाड़ी जुद्ध के दौरान ई पूरा तरीका से दुनिया के खातिर धियान के बिसय बनल रहे आ ईराक के कुवैत पर हमला एही खाड़ी में भइल। मुख्य रूप से ई इलाका पेट्रोलियम उत्पादन के क्षेत्र हवे आ एही कारण ई खाड़ी दुनिया खाती महत्व के बिसय हवे।

खाड़ी में भरपूर मूंगा के चट्टान, मछरी पकडे के इलाका आ मोती निकाले वाला इलाका बाड़ें। हालाँकि, एह खाड़ी के आसपास तेल निकाले, उद्योगीकरण आ जुद्ध इत्यादि से एकरे प्राकृतिक इकोसिस्टम के बहुत नोकसान चहुँपल बाटे।