बिदेसिया (तमासा)

बिदेसिया (कैथी: 𑂥𑂱𑂠𑂵𑂮𑂱𑂨𑂰) चाहे बहरा बहार भिखारी ठाकुर के लिखल एगो भोजपुरी तमासा हऽ। ई भिखारी ठाकुर के गरीबी, पलायन आ नारी सशक्तिकरण प लिखल नाटक सभ मे से एगो बा। ई नाटक आपन ख्यती के चलते एगो भोजपुरी भाषा के एगो नाट्य शैली बनि गइल, आ दोसरो भाषा मे एह शैली मे तमासा लिखाइल, ओह घड़ी के बिद्वान लोग एकर प्रसिद्धि के तुलना रामायण से कईल बा।

एह तमासा मे उनइसवा सताबदी के भोजपुरी समाज मे मेहरारुन के दुरदसा के देखावल गइल बा। एह नाटक के 1917 मे लिखल गइल रहे।

नांव

एकरा पहिलका बेरा कलजुग प्रेम नांव से परकासित कईल गइल रहे, फेर बहरा बहार नांव से छपाईल, बाकिर एकर बिदेसिया नांव के पाट के चलते ई एही नांव से परसिद्ध भईल।