भारतीय सिनेमा
टेम्पलेट:Infobox cinema market भारतीय सिनेमा या भारत क सिनेमा भरत मे प्रोड्यूस होखे वाली फिलिम कुल के सामूहिक रूप से कहल जाला।[१] भारत में सिनेमा के बहुत जोर बा आ इहाँ भारतीय भाषा सभ में सालाना 1600 तक ले फिलिम सब के निर्माण हो जाला।[२] भारतीय फिलिम सभ के दर्शक भारत की अलावे अउरी कई देसन में बाड़ें आ ई सम्पूर्ण दक्खिन एशिया, ग्रेटर मिडिल ईस्ट आ दक्खिनपूर्ब एशिया में देखल जालीं। दादा साहेब फाल्के के भारतीय सिनेमा के पिता मानल जाला।[३][४][५][६] 1969 में भारत सरकार उनके सम्मान में दादा साहेब फाल्के सम्मान के स्थापना कइलस, जे सिनेमा जगत में जीवन भर के उपलब्धि खातिर दिहल जाला आ भारतीय सिनेमा के सबसे प्रतिष्ठित अवार्ड मानल जाला।[७]
बीसवीं सदी में, भारतीय सिनेमा, हॉलीवुड आ चीनी फिलिम इंडस्ट्री के साथ, एक ठो ग्लोबल इंडस्ट्री बन चुकल बाटे।[८] साल 2013 के आंकड़ा देखल जाय त भारतीय सिनेमा सभसे ढेर संख्या में फिलिम निर्माण करे वाला इंडस्ट्री बाटे आ एकरे ठीक नीचे नौलिवुड,[९] हॉलीवुड आ चीन बाड़ें।[१०] साल 2012 में भारत में 1,202 गो फिलिम बनलीं।