महाकाल

टेम्पलेट:Infobox deity महाकाल एगो देवता हवें जिनके मान्यता हिंदू, बौद्ध आ सिख तीनों धरम में मिले ला। हिंदू धरम के मोताबिक महाकाल, देवी काली के संगी हवें आ शाक्त शाखा के कालीकुल संप्रदाय में इनका के खास महत्व दिहल जाला। बौद्ध धरम में, रच्छा करे वाला देवता के रूप में धर्मपाल के नाँव से एह देवता के बिबरन मिले ला आ वज्रयान में इनके खास महत्व हवे। तिब्बती, चीन देशीय आ जापानी बौद्ध धर्म में इनके बिसेस अस्थान हवे। सिख धर्म में ई काल के नाँव से जानल जालें आ माया के नियंता मानल जालें।

हिंदू धर्म में शिव के पूजा महाकाल के रूप में होला। प्राथमिक हिंदू मंदिर जे एह देवता के समर्पित हवे उज्जैन में महाकाल मंदिर के रूप में बा जहाँ महाकालेश्वर नाँव से अस्थापित शिवलिंग बारह गो ज्योतिलिंग सभ में से एक गिनल जाला। एकरे अलावे, शिव जी के गण लोग के भी महाकाल कहल जाला आ प्रमुख गण महाकाल भैरव के भी एह नाँव से पूजा होखे ला।

इहो देखल जाय

• महाकाल मंदिर, उज्जैन
• काल
• भैरो बाबा