महाराष्ट्र

महाराष्ट्र भारत के 28 राज्य में से एगो ह। ई के राजधानी मुंबई में स्थित बा। महाराष्ट्र भारत क एगो राज्य ह जवन की भारत की दक्षिण मध्य में स्थित बा। एकर गिनती भारत की सबसे धनीक राज्यन में होला। एकर राजधानी मुंबई  ह जेके भारत क सबसे बड़ शहर आ देश क आर्थिक राजधानी की रूपो में जानल जाला। अउर एइजा क पुणे शहर के भी भारत की बड़ा महानगरन में गिनल जाला।

महाराष्ट्र क जनसंख्या सन 2011 में 11,23,72,972 रहे, विश्व में सिर्फ़ ग्यारह ऐसन देश बान स जेकर जनसंख्या महाराष्ट्र से बेसी बा। ए राज्य क निर्माण 1 मई 1960 के मराठी भाषी लोगन की माँग पर कइल गइल रहे। एइजा मराठी ज्यादा बोलल जाला। पुणे, औरंगाबाद, कोल्हापूर, नाशिक अउर नागपुर महाराष्ट्र क अन्य मुख्य शहर हंव स।

प्राचीन आ मध्यकालीन महाराष्ट्र में सतावना वंश, राष्ट्रकूट वंश, पश्चिमी चालुक्य, मुगल अउर मराठा साम्राज्ययो शामिल रह न स। 1,18,809 वर्ग मील (3,07,710 किमी) में फैलल, इ राज्य अरब सागर अउर कर्नाटक, तेलंगाना, गोवा, गुजरात, छत्तीसगढ़, मध्य प्रदेश अउर दादरा आ नगर हवेली से पश्चिम की तरफ बा। राज्य क प्रमुख नदी गोदावरी अउर कृष्णा हई स। महाराष्ट्र, मध्य प्रदेश आ गुजरात की बीच सीमा की निकट नर्मदा आ ताप्ती नदी प्रवाहित होली स। महाराष्ट्र भारत में दूसरा सबसे शहरीकृत राज्य ह। राज्य में पंढरपुर, देहु अउर आलंदी, शेगांव सहित कईगो लोकप्रिय हिंदू तीर्थस्थल बान स। भारत अउर अन्य हिस्सन से तीर्थयात्री लोगन के आकर्षित करे वाला अन्य स्थान में नांदेड़ में हजूर साहिब गुरुद्वारा, शिर्डी में साई बाबा मंदिर आ नागपुर में दीक्षाभूमि शामिल बा।

महाराष्ट्र सबसे धनिक अउर भारत के सबसे विकसित राज्यन में से एगो बा , जवन देश की औद्योगिक उत्पादन क 25% आ एकर जीडीपी (2010-11) में 23.2% योगदान देला।