मूँगा
मूँगा चाहे मूंगा एगो समुद्री जीव हवे। ई जीव इनवर्टीब्रेट, माने कि बिना रीढ़ के हड्डी वाला होलें आ जीव बिज्ञान के बर्गीकरण में इनहन के सिंडारिया संघ के एंथोजोआ वर्ग में रखल जाला। इनहन के अंग्रेजी में कोरल कहल जाला आ ई जीव झुंड में निवास करे लें जहाँ पूरा झुंड के कोरल कॉलोनी आ एक ठो जीव के कोरल पॉलिप कहल जाला। इनहन के मौत के बाद बाकी बचल अंग एकट्ठा होखत जाला आ चट्टान बनावे ला जेकरा के कोरल रीफ़ (मूँगा के चट्टान) कहल जाला।