मोहम्मद हामिद अंसारी

टेम्पलेट:Infobox Officeholder मोहम्मद हामिद अंसारी (टेम्पलेट:Lang-ur) (जनम 1 अप्रैल 1937) भारत के बारहवाँ (कार्यकाल अनुसार 14वाँ) आ वर्तमान उपराष्ट्रपति रहलें। उनुके एह पद पर पहिली बेर 10 अगस्त 2007 के चुनल गइल आ 11 अगस्त 2007 के ऊ पदभार लिहलें; एकरा बाद उनुके सन 2012 में 7 अगस्त के दुबारा एह पद खातिर चुनल गइल। 11 अगस्त 2017 तक ले ऊ एह पद पर रहलें। डॉ॰ राधाकृष्णन के बाद ऊ अइसन दुसरा ब्यक्ति बाड़ें जिनके भारत के उपराष्ट्रपति पद खातिर दुबारा चुनल गइल बाटे।

अपना उप-राष्ट्रपति के हैसियत से ऊ भारत के संसद के राज्य सभा के सभापति रहलें, भारतीय लोक प्रशासन इंस्टीट्यूट के प्रेसिडेंट आ पंजाब यूनिवर्सिर्टी के चांसलर भी रहलें। हामिद अंसारी एकरा पहिले एम्बेसडर आ अलीगढ़ मुस्लिम यूनिवर्सिर्टी के वाइस-चांसलर भी रहि चुकल रहलें।