रमजान

रमजान, रमज़ान भा अरबी उच्चारण रमादान, इस्लामी कलेंडर के नउवाँ महिन्ना हवे आ पूरा दुनिया के मुसलमान लोग एह महीना के उपास (ब्रत) के द्वारा मनावे ला जे इस्लामिक मान्यता अनुसार कुरआन के पहिला पहिल प्रगटहोखे के उपलक्ष में मनावल जाला। ई सालाना तिहुआर हवे आ एह तिहुआर के मनावल, यानी कि उपास भा बरत राखल, सौम भा सोम के नाँव से जानल जाला आ ई इस्लाम के पाँच गो आधार में से एक मानल जाला।

ई महीना 29-30 दिन के होला आ चाँद के ऊपर आधारित होला। इस्लामी कैलेंडर के चाँद आधारित होखे के कारन ई महीना सीजन के हिसाब से देखल जाय तब घस्कत रहे ला। एकरे नाँव के पैदाइश अरबी शब्द रमा'दा से बतावल जाला जेकर मतलब होला "खूब गरम सीजन"।