रिपब्लिकन पार्टी (अमेरिका)
टेम्पलेट:Infobox political party रिपब्लिकन पार्टी (टेम्पलेट:Lang-en), जेकरा के ग्रैंड ओल्ड पार्टी (Grand Old Party) भा जीओपी (GOP) के नाँव से जानल जाला, अमेरिकी राजनीतिक पार्टी बाटे आ वर्तमान में ई सभसे प्रमुख दू गो पार्टी में से एक बा जबकि एकर प्रमुख बिपक्षी पार्टी डेमोक्रेटिक पार्टी हवे। अमेरिका के वर्तमान राष्ट्रपति डोनाल्ड ट्रंप एही रिपब्लिकन पार्टी के बाड़ें आ अगिला चुनाव खातिर उहे एह पार्टी के दोबारा उमेदवार रहिहें।
पार्टी के अस्थापना 1854 में कंसास-नेब्रास्का एक्ट के बिरोधी लोगन द्वारा कइल गइल जे लोग एह एक्ट द्वारा पच्छिमी टेरिटरी सभ में दासता (स्लेवरी) के सपोर्ट करे के बिरोध करत रहल। पार्टी क्लासिकल उदारवाद के समर्थक रहे आ दासता के बढ़ावा देवे के बिरोधी रहल अउरी ई आर्थिक सुधार सभ के हामी रहल। अब्राहम लिंकन पहिला रिपब्लिकन प्रेसिडेंट बनलें। 1865 में लिंकन के राष्ट्रपति काल में आ कांग्रेस में रिपब्लिकन बहुमत के समय दासता पर पूरा तरीका से रोक लगा दिहल गइल। बाद के बरिस में पार्टी के महत्वपूर्ण अस्थान रहल।
1912 के बाद, पार्टी के सामाजिक बिचारधारा में बदलाव भइल आ ई दक्खिनपंथ के ओर घसक गइल।
21वीं-सदी के रिपब्लिकन पार्टी के बिचारधारा के अमेरिकी कंजरवेटिज्म बाटे जे आर्थिक आ सामाजिक दुनों आधार पर आपन समर्थन-बिरोध तय करे ला। एह बिचारधारा के साथे, ई पार्टी कम टैक्स, फ्री बजार वाला पूँजीवाद, अमेरिका में बाहरी लोगन के प्रवास पर कंट्रोल, सेना पर बेसी खरच, बंदूक रखे कहे अधिकार, गर्भपात पर रोक, लेबर संगठन पर रोक नियर चीजन के समर्थन करे ले।
अबतक ले एह पार्टी के 19 गो प्रेसिडेंट रह चुकल बाड़ें (जेह में वर्तमान राष्ट्रपति डोनाल्ड ट्रंप शामिल बाड़ें)।