रिफ्लेक्शन नेबुला
खगोलशास्त्र में रिफ्लेक्शन नेबुला (टेम्पलेट:Lang-en) नेबुला सभ के एगो परकार हवे; ई अंतरिक्ष में अइसन इंटरस्टेलर डस्ट (तारा सभ के बीचा के धूर) के बदरी सभ होखे लीं जे आसपास के कौनों तारा (चाहे कई गो तारा सभ) के रोशनी के रिफ्लेक्ट करे लीं आ इहे रिफ्लेक्शन उजास के रूप में देखलाई देला। रिफ्लेक्ट करे के मतलब कि तारा के रोशनी एह तारा सभ के बीचा के धूर से टकरा के पृथिवी के ओर लवटे ला आ इहे हमनी के दूरबीन चाहे खाली आँख देखलाई पड़े ला। इहे कारन हवे की अइसन रिफ्लेक्शन नेबुला सभ से आवे वाला रोशनी के स्पेक्ट्रम ओह तारा सभ के रोशनी के स्पेक्ट्रम पर निर्भर होखे ला जिनहन के रोशनी ई नेबुला रिफ्लेक्ट क रहल होखे लीं।
