रीमा लागू
टेम्पलेट:Infobox person रीमा लागू एक ठो भारतीय फिलिम ऐक्ट्रेस रहली। रीमा लागू के मराठी आ हिंदी सिनेमा में एक्टिंग करे खातिर जानल जाला। रीमा फिलिम के अलावा रंगमंच के क्षेत्र से भी जुड़ल रहली आ लगभग चालीस साल ले रंगमंच के साथ उनके रिश्ता रहल।
रीमा कई ठे हिंदी फिलिम सभ में महतारी के चरित्र अभिनय कइली जेह में मैंने प्यार किया, आशिकी, साजन, हम आपके हैं कौन, वास्तव, कुछ-कुछ होता है आ हम साथ-साथ हैं जइसन सुपरहिट फिलिम के नाँव गिनावल जा सके ला।
लागू के 18 मई 2017 के 59 बरिस के उमिर में हार्ट फेल होखे से निधन हो गइल।[१] एकरा पहिले उनके सीना में दर्द के शिकायत पर मुंबई के कोकिलाबेन धीरूभाई अंबानी अस्पताल में भर्ती करावल गइल रहल।
अवार्ड नॉमिनेशन संपादन करीं
- 1990 - फिल्मफेयर के बेस्ट स्पोर्टिंग ऐक्ट्रेस अवार्ड - मैंने प्यार किया
- 1991 - फिल्मफेयर के बेस्ट स्पोर्टिंग ऐक्ट्रेस अवार्ड - आशिकी
- 1995 - फिल्मफेयर के बेस्ट स्पोर्टिंग ऐक्ट्रेस अवार्ड - हम आपके हैं कौन...!
- 2000 - फिल्मफेयर के बेस्ट स्पोर्टिंग ऐक्ट्रेस अवार्ड - वास्तव:दि रियलिटी