अंतरिक्ष दूरबीन
अंतरिक्ष दूरबीन (स्पेस टेलिस्कोप) अइसन दूरबीन होला जे ब्रह्मांड के गैलेक्सी, तारा आ हमनी के सौरमंडल के बाकी ग्रह सभ के अध्ययन करे खातिर अंतरिक्ष (आउटर स्पेस) में तैनात कइल गइल होला। ई एक तरह से उपग्रहे होखे ला बाकिर एकर काम पृथ्वी के निहारल चाहे पृथ्वी के अध्ययन कइल ना होला बलुक ई बाहरी चीज सभ के देखे के कामे आवे ला। अइसन जोगाड़ बनावे के सभसे प्रमुख कारण ई बा की ई दूरबीन सभ पृथ्वी के वायुमंडल के परभाव से मुक्त होखे लीं। मतलब ई कि कई किसिम के इलेक्ट्रोमैग्नेटिक रेडियेशन (अल्ट्रा-वायलेट, एक्स-रे इत्यादि) पृथिवी के वायुमंडल द्वारा सोख लिहल जालीं जबकि वायुमंडल से बाहर दूरबीन लगा देवे पर इनहन के बढ़ियाँ से रिकार्ड कइल जा सके ला।
