शहीद दिवस

भारत में शहीद दिवस कई तिथी के मनावल जाला जेह में कुछ प्रमुख तिथी नीचे दिहल गइल बा:

30 जनवरी

30 जनवरी, 1948 के नाथूराम गोडसे द्वारा महात्मा गाँधी के गोली मार के हत्या क दिहल गइल रहे। महात्मा के पुन्यतिथी के भारत में शहीद दिवस के रूप में मनावल जाला। एही दिन भारत के आजादी के लड़ाई में शहीद भइल अन्य अनाम ढेर सारा शहीद लोग के भी याद कइल जाला। एह दिन राजधानी दिल्ली में राजघाट पर जा के राष्ट्रपति, प्रधानमंत्री इत्यादि गणमान्य ब्यक्ति लोग शहीद सभ के श्रद्धासुमन अर्पित करे ला। बिगुल बजा के सलामी दिहल जाले आ शहीदन के याद में 2 मिनट के मौन रखल जाला।

23 मार्च

23 मार्च के भगत सिंह, राजगुरु आ सुखदेव के फाँसी दिहल गइल रहे। एह दिन के भी भारत में शहीदी दिवस के रूप में मनावल जाला।