शार्क

टेम्पलेट:Automatic taxobox शार्क मछरी सभ के एगो कुल खानदान ह जेकरा भीतर कई ठे प्रजाति के शार्क होलीं। शार्क सभ के बैज्ञानिक रूप से सेलाचीमॉर्फ़ा (Selachimorpha) चाहे सेलाची (Selachii) क्लाड में रखल जाला। इनहन के शरीर में हड्डी ना होले बलुक ओकरे जगह कार्टिलेज होला जे एक किसिम के रबर नियर लचकदार बाकी मजबूत चीज हवे जे हड्डी के काम करे ला।

शार्क सभ के लगभग 350 अलग-अलग किसिम पावल जालीं, जइसे कि ग्रेट वाइट शार्क आ व्हेल शार्क। पुराना ज़माना के फॉसिल रिकार्ड से पता चले ला कि शार्क सभ एह धरती पर करीब 420 मिलियन बरिस पहिले से मौजूद बाड़ी, जब सुरुआती सिल्यूरियन काल रहे तबसे ले के अबतक ले। ग्रेट वाइट शार्क सभसे बड़हन साइज के शार्क होखे लीं।

ज्यादातर शार्क सभ शिकारी होली, मने की ऊ शिकार करे लीं आ समुंद्री छोट मछरी, मैमल आ अउरी समुंद्री जीव सभ के मार के खालीं। हालाँकि, सभसे बड़ शार्क सभ व्हेल नियर, क्रिल सभ के खालीं। आम तौर पर ई मानल जाला कि शार्क चुपचाप शिकार करे लीं आ "साइलेंट-किलर" होखे लीं, बाकी हाल के अध्ययन में ई पता लगावल गइल बा कि ई अपना गला से मद्धिम गुरगुराहट के आवाज निकाले लीं जे इनहन के स्केल्स (सांस लेवे वाला छेद) से हो के गूँज पैदा करे ला। जादेतर शार्क सभ ठंढा खून वाला जीव होली बाकी कुछ बड़ शार्क सभ जइसे कि ग्रेट वाइट शार्क आ माको शार्क सभ कुछ हद तक गरम खून बाली होखे लीं।