सिंगापुर एयरलाइंस
सिंगापुर एयरलाइंस लिमिटेड (एसआईए) सिंगापुर क ध्वज वाहक ह। इ विश्व क एगो प्रमुख वायुयान सेवा ह। सिंगापुर क चंगी हवाई अड्डा एकर हब (महत्वपूर्ण गतिविधिन क केंद्र) ह और दक्षिणपूर्वी एशिया, पूर्वी एशिया, दक्षिण एशिया और "कंगारू रूट" बाजारन में एकर एगो सक्षम उपस्थिति बा। इ कम्पनी पार-प्रशांत (ट्रांस-पेसिफिक) उड़ान क भी संचालन करेले, एमे दुनिया क दुगो सबसे लम्बा नॉन-स्टॉप व्यावसायिक उड़ान शामिल बाड़ी स, इ उड़ान एयरबस ए340-500 सिंगापुर से न्यू यॉर्क और लोस एंजिल्स तक जाली स।[१]
सिंगापुर एयरलाइंस समूह में कईगो एयरलाइन-संबंधित सहायक कंपनी शामिल बाड़ी स, एसआईए इंजीनियरिंग कंपनी नौ देशन में रखरखाव, मरम्मत और ओवरहाल (एमआरओ) कारोबार क संचालन करेले, जेमें बोइंग और रोल्स-रॉयस सहित 27 संयुक्त उद्यमन क पोर्टफोलियो बा। सिंगापुर एयरलाइंस कार्गो एसआईए की मालवाहक बेड़ा क संचालन करेला और एकर यात्री विमानन में मालवाहक क्षमता क प्रबंधन करेला। एकर दुगो सहायक बान स: सिल्कएयर द्वितीयक शहरन में क्षेत्रीय उड़ानन क संचालन करेला, जबकि स्कूट कम लागत वाला वाहक की रूप में काम करेला।[२]
सिंगापुर एयरलाइंस "सुपरजम्बो" एयरबस ए380 क शुरुआत कईलस जवन विश्व क सबसे बड़ा एयरक्राफ्ट रहे। राजस्व प्रति यात्री किलोमीटर की मामला में इ दुनिया भर की चोटी की 15 वाहकन में से एगो ह, और अंतर्राष्ट्रीय यात्री वहन की दृष्टि से दुनिया में दसवां स्थान पर बा। सिंगापुर एयरलाइंस उ एयरलाइन ह जेकर दुनिया में सबसे ज्यादा प्रशंसा कईल जाला और फोर्च्यून वर्ल्ड की 2010 की सबसे प्रशंसित कम्पनियन की रैंकिंग में एकर 27 वां स्थान बा।[३][४]
एकर सशक्त ब्रांड नांव बा और इ विमानन उद्योग में, विशेष रूप से नवाचार, सुरक्षा और सेवा में उत्कृष्टता की दृष्टि से उदाहरण प्रस्तुत करेले, साथ ही एके निरंतर लाभ भी प्राप्त होता। एके असंख्य पुरस्कार मिलल बा और विमान की खरीद की उद्योग में इ प्रथम स्थान पर बा। इ उन छह एयरलाइंस में से एगो ह जेके केथे पेसिफिक (Cathay Pacific), एशियन एयरलाइंस (Asian Airlines), मलेशियन एयरलाइंस (Malaysia Airlines), क़तर एयरवेज़ (Qatar Airways) और किंग्फिशर एयरलाइंस (Kingfisher Airlines) की साथ स्काईट्रेक्स की द्वारा 5 स्टार रेटिंग से सम्मानित कईल गईल बा।
इतिहास[संपादन करीं | स्रोत संपादित करीं]
सिंगापुर एयरलाइंस क शुरुआत 12 अक्टूबर 1937 के मलायी एयरलाइंस (एमएएल) की समावेश की साथ भईल। एकर शुरुआत लिवरपूल क ओशीन स्टीमशिप कम्पनी, सिंगापुर क स्ट्रेट्स स्टीमशिप कम्पनी और इम्पीरियल एयरवेज़ की द्वारा कईल गईल। ए एयरलाइन क पहिला उड़ान एगो चार्टर्ड उड़ान रहे जवन 2 अप्रैल 1947 के सिंगापुर की ब्रिटिश स्ट्रेट्स सेटलमेंट से कुआलालम्पुर तक गईल, एमें एयरस्पीड कौंसुल दुगो इंजन वाला एयरप्लेन क उपयोग कईल गईल। एकरी तुरंत बाद 1 मई 1947 से नियमित साप्ताहिक उड़ान सिंगापुर से कुआलालम्पुर, इपोह और पेनांग जाए लगली स, एमें एही तरह की एयरक्राफ्ट क उपयोग कईल जाव।
1940 की शेष दशक में और 1950 की दशक की दौरान अन्य ब्रिटिश कॉमनवेल्थ एयरलाइंस (जैसे की बीओएसी और क्वान्टास एम्पायर एयरवेस) की तरह इ एयरलाइन निरंतर विस्तृत होत गईल, इ तकनीकी सहायता प्रदान कईलस और आईएटीए में शामिल होखले में मदद कईलस। 1955 ले, मलायी एयरवेज क बेड़ा एतना विकसित हो गईल रहन स कि एमें बड़ी संख्या में डगलस डी सी-3 (Douglas DC-3s) शामिल हो चुकल रह न स।