सुशांत सिंह राजपूत
सुशांत सिंह राजपूत एगो भारतीय अभिनेता रहन। ई टीवी सीरियल सभ से आपन कैरियर चालू कइलन। हिनकर पहिला शो "किस देश में है मेरा दिल रहे"। ई "पवित्र रिश्ता" से बहुते प्रख्यात भइलन। हिनकर पहिलका फिलिम "काय पो छे" (2013) रहे।
सुशांत आपन फिल्म के शुरुआत 2013 मे काय पोछे से कइलन। एकरा बाद उह देसी रोमांस, पीके, डिटेक्टीव ब्योमकेश बक्शी में काम कइलन। 2016 के फिल्म जेकर नाव एम एस धोनी: द अनटोल्ड स्टोरी में ऊ महेंद्र सिंह धोनी के भूमिका कइले बाड़न। जेकरा खातिर उनकरा के खूब पसंद कईल गइल। अभिनय के आलावा ऊ अलग अलग कार्यक्रम जयसे की सुशांत4एजुकेशन में शामिल रहन। ऐकर आलावा उह कुछ प्रौद्योगिकी कंपनी के भी संस्थापक कइले रहन। 14 जून 2020 के सुशांत सिंह राजपूत के देह पंखा से लटकल मिलल, जेकर जांज केंद्रीय अन्वेषण ब्यूरो द्वारा कइल जाता।
जिनगी
हिनकर जनम पटना मे भईल बाकिर हीनकर गाँव पूर्णिया बाटे। हिनकर एगो बहिनी, मितु सिंह, राज्य स्तर के किरकेटर बाड़ी। हिनकर माई के देहांत 2002 मे भ गईल रहे, जेकरा से हिनका बहुत बड़ सदमा लागल रहे आ ओही बरिस हीनकर परिवार दिल्ली चलि गइल।