सेंट पीटर्सबर्ग

टेम्पलेट:Infobox Russian federal subject सेंट पीटर्सबर्ग (टेम्पलेट:Lang-en; टेम्पलेट:Lang-rus) रूस के दुसरा सभसे बड़ शहर हवे। पहिले एकरा के पेत्रोग्राद (1914–1924) आ बाद में लेनिनग्राद (1924–1991) के नाँव से जानल जाय। ई नीवा नदी के मुहाना पर बसल शहर हवे जहाँ ई नदी फिनलैंड के खाड़ी आ बाल्टिक सागर में गिरे ले। 2020 के एस्टीमेट के मोताबिक शहर के कुल आबादी लगभग 54 लाख बाटे। ई यूरोप महादीप के चउथा सभसे बेसी आबादी वाला शहर बा, बाल्टिक सागर के तीरे के सभसे बड़ शहर बा, आ दुनियाँ के दसलाखी शहर सभ में सभसे उत्तरी शहर बाटे। ई रूस के एगो सभसे महत्वपूर्ण बंदरगाह हवे आ एही कारन एकर प्रशासन संघीय शहर (फेडरल शहर) के रूप में होखे ला।