स्टेप
भौतिक भूगोल में स्टेप (टेम्पलेट:Lang-en टेम्पलेट:IPAc-en), बहुवचन में स्टेप्स) चाहे स्टेपीटेम्पलेट:Efn, एक किसिम के इकोप्रदेश चाहे इकोजोन होलें जेह इलाका में घास के मैदान पावल जालें जबकि नद्दी आ झील-तलाब के अलावा अउरी कहीं एह इलाका सब में बड़हन फेड़ ना मिले लें। अइसन क्षेत्र सभ के इकोलॉजी आ जीवभूगोल में स्टेप बायोम कहल जाला आ जलवायु बिज्ञान में अइसन किसिम के जलवायु के स्टेप जलवायु कहल जाला।
स्टेप बायोम में दू किसिम के घास के मैदान सामिल हो सके लें: पहाड़ी (मोंटेन) घासमैदान आ झाड़ीदार इलाका, आ समशीतोष्णकटिबंधी (टेम्परेट) घासमैदान, सवाना आ झाड़ीदार इलाका। कौनों स्टेप इलाका अधसूखा (सेमी-एरिड) घास वाला हो सके ला, झाड़ीदार बनस्पति वाला हो सके ला चाहे दुनों किसिम के हो सके ला आ ई सीजन आ अक्षांसी स्थिति पर निर्भर करे ला। स्टेप जलवायु अइसन इलाका सभ के जलवायु के प्रकार हवे जहाँ अतना बरखा ना होखे ला कि बड़हन पेड़ आ जंगल उपज सकें बाकी एतना पानी हो जाला कि घास आ झांग-झाड़ी वाली बनस्पति पैदा हो सके। साधारण तौर पर स्टेप वाला इलाका सभ में चर्नोजम किसिम के माटी मिले ले।
स्टेप जलवायु के सेमी-एरिड (अध-सूखा चाहे कुछ-रेगिस्तानी) प्रकार में रखल जाला। तापमान के अतिमान गर्मी के सीजन में टेम्पलेट:Convert तक ले चहुँप सके ला आ जाड़ में ई टेम्पलेट:Convert तक ले नीचे गिर सके ला। एह सीजनल भारी अंतर के अलावे दिन आ रात के तापमानो में बहुते अंतर पावल जाला। यूरेशिया में मंगोलिया, आ उत्तर अमेरिका में नेवादा नियर इलाका सभ एकर उदाहरण बाने जहाँ तिजहरिया में तापमान 30°C हो सके ला आ रात में ठंढा होखे के पर तापमान जमा देवे वाला हो सके ला।
बिचला-अक्षांस (मिड-लैटिट्यूड) वाला स्टेप्स सभ में खूब गरम गरमी के सीजन होला आ जाड़ा के सीजन में खूब बेसी ठंढा पड़े ला; सालाना बरखा टेम्पलेट:Convert होखे ले।
इहो देखल जाय
नोट
संदर्भ
सोर्स
- Ecology and Conservation of Steppe-land Birds by Manuel B.Morales, Santi Mañosa, Jordi Camprodón, Gerard Bota. International Symposium on Ecology and Conservation of steppe-land birds. Lleida, Spain. December 2004.टेम्पलेट:ISBN