स्तन

टेम्पलेट:Infobox anatomy स्तन ग्रंथि चाहे थन एगो टेम्पलेट:Abbr (ग्लैंड) होले जे मनुष्य में आ अउरी कई जानवर सभ के शरीर के अंग के रूप में, नया पैदा भइल बच्चा सभ के पोषण खाती दूध पैदा करे के काम करे ला। ई एगो एक्सोक्रान ग्लैंड हवे। अइसन जानवर सभ जिनहन के शरीर में ई ग्रंथि पावल जाले, स्तनधारी कहालें आ जंतु बिज्ञान के वर्गीकरण में इनहन के मैमेलिया वर्ग में रखल जाला (मैमेल शब्द लैटिन भाषा के मामा शब्द से आवे ला जेकर मतलबे स्तन होला)।

स्तन पूरा अंग के कहल जाला जे दूध पैदा करे ला जबकि एकरे ऊपरी हिस्सा भा सभसे अंतिम बाहरी माथ पर निकलल उभार के चूची (संस्कृत: चुचूक से) भा अंगरेजी में निप्पल कहल जाला। दूध खाती पोसल जाये वाला जानवर जइसे कि गाइ आ भइस में एकरा के थन भा थान कहल जाला (इहो स्तन के देसी रूपांतर हवे) आ चूची सभ के छीमी भा छिम्मी भी कहल जाला।

मनुष्य आ चिंपांजी नियर कुछ जानवर सभ में ई ग्रंथि शरीर के ऊपरी हिस्सा में, छाती पर पावल जाले जबकि कुक्कुर, बिलार आ सूअर नियर जानवरन में ई पेट वाला हिस्सा में होखे ले, गाई आ भइस में ई पछिला गोड़न के बीच में होखे ले।

स्तन से दूध के निकसल कभी-कभार अट्रेंडम भी हो सके ला बाकी ज्यादातर स्थिति में दूध निकले के समय बच्चा पैदा होखे के बाद होला जेकरा के लैक्टेशन पीरियड कहल जाला। आम तौर पर मादा जानवर के स्तन से दूध निकले ला आ नर सभ में ई अंग बस चीन्हात्मक रूप से होला; हालाँकि, अपवाद के रूप में कुछ जीव प्रजाति सभ में नर भी दूध पियावे के काम करे लें।