हिंदी दिवस

Rहिंदी दिवस हर साल 14 सितंबर के मनावल जाला। ई दिन हिंदी के परचार-प्रसार खातिर तरह-तरह के कार्यक्रम करि के मनावल जाला जेह में सरकारी आ गैर-सरकारी दुनों तरह के संस्था, इस्कूल इत्यादि शामिल होलें। प्रमुख कार्यक्रम में साहित्यिक गोष्ठी, सम्मलेन, भाषण आ प्रतियोगिता इत्यादि गिनावल जा सके ला।

इतिहास

14 सितंबर 1949 के संबिधान सभा में हिंदी के राजभाषा के रूप में स्वीकार कइल गइल रहल। एही दिन के हिंदी खातिर खास मान के "राष्ट्रभाषा प्रचार समिति, वर्धा" एह दिने हिंदी दिवस मनावे के प्रस्ताव रखलस आ एकरे बाद सन् 1953 से ई दिन हिंदी दिवस के रूप में मनावल जाला।

भारत के संबिधान के अनुच्छेद 343(1) ई लिखल बा कि संघ के राजभाषा (राजकीय काम-काज के भाषा, राष्ट्रभाषा नाहीं) हिंदी आ लिपि देवनागरी होखी आ अंक के रूप अंतर्राष्ट्रीय होखी। चूँकि, ई निर्णय 14 सितंबर के लिहल गइल रहल, हिंदी खातिर एह दिन के खास मानल जाला।

इहो देखल जाय

• हिंदी भाषा
• विश्व हिंदी दिवस

बाहरी कड़ी

• भारत के संबिधान सभा के परिचर्चा, १४ सितंबर १९४९ - भाग १, <http://parliamentofindia.nic.in> टेम्पलेट:In lang
• भारत के संबिधान सभा के परिचर्चा, १४ सितंबर १९४९ - भाग २ टेम्पलेट:In lang
• भारत के संबिधान सभा के परिचर्चा, १४ सितंबर १९४९ - भाग ३ टेम्पलेट:In lang
• संविधान में हिंदी, लेखक-डॉ॰ लक्ष्मी मल्ल सिंघवी, कादम्बिनी से लिहल एक ठो लेख; (abhivyakti-hindi.org)। टेम्पलेट:In lang