हुमायूँ

टेम्पलेट:Mughal rulers मिर्जा नसीरुद्दीन बेग मुहम्मद खान या नसीरुद्दीन मुहम्मद हुमायूँ या हुमायूँ मुगल साम्राज्य के दूसरा बादशाह रहलें। हुमायूँ ओह इलाका पर शासन कइलेन जेवन आज के समय में अफगानिस्तान, पकिस्तान आ उत्तरी भारत के बाटे। उनके मौत के समय मुगल साम्राज्य लगभग दस लाख बर्ग किलोमीटर के इलाका पर फइल चुकल रहल।

हुमायूँ बाबर के लड़िका रहलें आ बाबर के मौत के बाद सन् 1530 ई॰ में 23 बरिस के उमिर में गद्दी पर बइठलें। एकरा कुछ समय बाद सत्ता उनुके हाथ से निकल गइल, हालाँकि, कुछे समय के बाद फारस के सफदवी साम्राज्य के मदद से ऊ आपन राज फिर हासिल करि लिहलें।

सन् 1556 में, हुमायूँ के मौत अपना लाइब्रेरी के सीढ़ी से उतरत घरी गिर जाए से कनपटी पर लागल चोट से भइल। उनुके बाद मुगल सत्ता पर हेमू के आक्रमण भइल आ हुमायूँ के बेटा अकबर के भाग जाये के पड़ल आ अकबर के पंजाब के कलनौर में बादशाह घोषित कइल गइल।