होलिका

टेम्पलेट:Infobox character टेम्पलेट:Hinduism small होलिका हिंदू कथा में बर्णित एक ठो राक्षसी रहली जिनके दहन (जरवले) के घटना हिंदू तिहवार होली से जुड़ल बा। होलिका राक्षस राजा हिरण्यकश्यप के बहिन आ बिष्णु के भक्त प्रह्लाद के फूआ रहली। कथा के मोताबिक, होलिका के आगि से ना जरे के बरदान मिलल रहल। प्रहलाद बिष्णु के भक्त रहलें आ एही बात से नराज हिरण्यकश्यप अपनी बहिन होलिका से प्रहलाद के गोदी में ले के आगि में बइठ जाए के कहलें; बाकी बिष्णु के परभाव से होलिका जर गइली आ प्रहलाद बच गइलें।

एही उपलक्ष में होली के तिहुआर मनावे के कारण के रूप में देखल जाला।

कथा

बिष्णु के नरसिंह अवतार के मूर्ती, हिरण्यकश्यप के बध के दृश्य।

हिरण्यकश्यप आ प्रहलाद के कथा भागवत पुराण में मिले ला। कथा के मोताबिक हिरण्यकश्यप एक ठो असुर राजा रहलें। उनके भारी तपस्या के बाद ब्रह्मा से बरदान मिलल रहल की ऊ ना त केहू आदमी द्वारा मारल जइहें, ना जानवर द्वारा; ना जमीन पर ना आकास या पानी में; ना दिन में न रात में; न घर में ना बाहर; न अस्त्र (हाथ में ले के चलावल जाए वाला हथियार से न शस्त्र से आ एही कारण ऊ अपना के अमर मान के लोग पर अत्याचार करे लगलें। उनके लड़िका प्रहलाद, भक्त सुभाव के आ नीक बिचार के रहलें। प्रहलाद बिष्णु के भक्त रहलें आ एह बात से हिरण्यकश्यप के नाराजगी रहल।

प्रहलाद के मारे के कई बेर कोसिस करे के बाद ई तरीका निकालल गइल की प्रहलाद के फूआ होलिका उनके गोदी में ले के आगि में बइठ जायँ काहें की उनके आगि में ना जरे क बरदान रहल।

बाकी भइल एकर उलटा। बिष्णु के परभाव से होलिका खुद जर गइली आ प्रहलाद बच गइलेन।

होलिका दहन

टेम्पलेट:Main बाद के परंपरा में सम्मत फूँकल, जेकरा के भारत के ज्यादातर हिस्सा में होलिका दहन कहल जाला, एह कथा से जोड़ल जाला।

इहो देखल जाय

• होलिका दहन
• होली
• बिष्णु के अवतार