𑂦𑂰𑂩𑂞𑂲𑂨 𑂮𑂧𑂹𑂫𑂱𑂡𑂰𑂢 𑂍𑂵 𑂄𑂧𑂳𑂎

𑂦𑂰𑂩𑂞𑂲𑂨 𑂮𑂧𑂹𑂫𑂱𑂡𑂰𑂢 𑂍𑂵 𑂄𑂧𑂳𑂎 𑂉𑂏𑂷 𑂢𑂢𑂹𑂯𑂲𑂒𑂳𑂍𑂹𑂍𑂲 𑂒𑂱𑂢𑂹𑂯𑂰𑂞𑂹𑂧𑂍 𑂍𑂯𑂢𑂰𑂧 𑂥𑂰𑂗𑂵 𑃀 𑂆 𑂠𑂵𑂬𑂫𑂰𑂮𑂲𑂨𑂢 𑂍𑂵 𑂩𑂰𑂯 𑂠𑂵𑂎𑂰𑂫𑂵𑂪𑂰, 𑂄 𑂮𑂧𑂹𑂫𑂱𑂡𑂰𑂢 𑂍𑂵 𑂮𑂱𑂠𑂹𑂡𑂰𑂢𑂹𑂞𑂢 𑂍𑂵 𑂣𑂹𑂩𑂮𑂹𑂞𑂳𑂞 𑂍𑂩𑂵𑂪𑂰 𑃀 𑂉𑂍𑂩𑂰 𑂍𑂵 𑂮𑂧𑂹𑂫𑂱𑂡𑂰𑂢 𑂮𑂦𑂰 𑂠𑂹𑂫𑂰𑂩𑂰 २६ 𑂢𑂫𑂧𑂹𑂥𑂩 १९४९ 𑂍𑂵 𑂮𑂹𑂫𑂱𑂍𑂰𑂩𑂪 𑂏𑂅𑂪 𑂄 २६ 𑂔𑂢𑂫𑂩𑂲 १९५० 𑂍𑂵 𑂦𑂰𑂩𑂞 𑂍𑂵 𑂏𑂝𑂞𑂢𑂹𑂞𑂹𑂩 𑂠𑂱𑂫𑂮 𑂍𑂵 𑂩𑂴𑂣𑂧𑂵 𑂧𑂢𑂰𑂫𑂪 𑂏𑂅𑂪 𑃀 𑂉𑂯𑂧𑂵 𑂣𑂹𑂩𑂔𑂰 𑂍𑂵 𑂄𑂮 𑂃𑂇𑂩 𑂃𑂍𑂰𑂑𑂹𑂍𑂹𑂭𑂰 𑂍𑂵 𑂫𑂩𑂹𑂝𑂢 𑂦𑂵𑂗𑂰𑂪𑂰 𑃀 𑂄𑂧𑂳𑂎𑂫𑂰 𑂍𑂵 𑂦𑂰𑂩𑂞𑂲𑂨 𑂮𑂧𑂹𑂫𑂱𑂡𑂰𑂢 𑂍𑂵 𑂄𑂞𑂹𑂧𑂰 𑂍𑂯𑂪 𑂔𑂰𑂪𑂰 𑃁

𑂦𑂰𑂩𑂞𑂲𑂨 𑂮𑂧𑂹𑂫𑂱𑂡𑂰𑂢 𑂍𑂵 𑂄𑂧𑂳𑂎

𑂪𑂵𑂎𑂰

𑂯𑂧𑂢𑂱, 𑂦𑂰𑂩𑂞𑂲𑂨 𑂣𑂹𑂩𑂔𑂰, 𑂦𑂰𑂩𑂞 𑂍𑂵 𑂉𑂏𑂷 𑂮𑂳𑂮𑂧𑂹𑂣𑂢𑂹𑂢

𑂣𑂩𑂧𑂰𑂡𑂱𑂣𑂞𑂹𑂨𑂍, 𑂮𑂰𑂧𑂰𑂔𑂫𑂰𑂠𑂲, 𑂡𑂧𑂹𑂧𑂢𑂱𑂩𑂣𑂵𑂍𑂹𑂎, 𑂪𑂷𑂍𑂞𑂢𑂢𑂹𑂞𑂹𑂩𑂰𑂞𑂧𑂍,
𑂏𑂝𑂩𑂰𑂔𑂹𑂨 𑂍𑂵 𑂩𑂴𑂣𑂧𑂵 𑂮𑂹𑂟𑂰𑂣𑂱𑂞 𑂍𑂩𑂵 𑂎𑂰𑂞𑂱𑂩
𑂞𑂟𑂰 𑂉𑂍𑂩 𑂮𑂏𑂩𑂲 𑂢𑂰𑂏𑂩𑂱𑂍𑂢 𑂍𑂵;
𑂮𑂰𑂧𑂰𑂔𑂱𑂍, 𑂄𑂩𑂹𑂟𑂱𑂍, 𑂄 𑂩𑂰𑂔𑂢𑂲𑂞𑂱𑂍 𑂢𑂹𑂨𑂰𑂨;
𑂥𑂱𑂒𑂰𑂩, 𑂃𑂦𑂱𑂫𑂹𑂨𑂍𑂹𑂞𑂱, 𑂥𑂱𑂬𑂹𑂫𑂰𑂮, 𑂡𑂩𑂹𑂧
𑂄 𑂄𑂩𑂰𑂡𑂢𑂰 𑂍𑂵 𑂮𑂹𑂫𑂞𑂢𑂹𑂞𑂹𑂩𑂞𑂰;
𑂄𑂠𑂩 𑂄 𑂞𑂍 𑂍𑂵 𑂮𑂧𑂰𑂢𑂞𑂰 𑂣𑂹𑂩𑂰𑂣𑂹𑂞 𑂍𑂩𑂰𑂫𑂵 𑂎𑂰𑂞𑂲𑂩
𑂞𑂟𑂰 𑂆 𑂮𑂸𑂮𑂵 𑂣𑂹𑂩𑂔𑂰 𑂧𑂵, 𑂫𑂹𑂨𑂍𑂹𑂞𑂱 𑂍𑂵 𑂏𑂸𑂩𑂫 𑂄 𑂩𑂰𑂭𑂹𑂗𑂹𑂩 𑂍𑂵 𑂉𑂍𑂞𑂰
𑂄 𑂃𑂎𑂝𑂹𑂙𑂱𑂞𑂰, 𑂢𑂱𑂩𑂹𑂡𑂰𑂩𑂱𑂞 𑂍𑂩𑂰𑂫𑂵 𑂊𑂮𑂢
𑂥𑂢𑂹𑂡𑂳𑂞𑂹𑂞𑂰 𑂍𑂵 𑂥𑂱𑂍𑂹𑂮𑂰𑂫𑂵𑂪𑂰,
𑂏𑂧𑂹𑂦𑂲𑂩𑂞𑂰𑂣𑂴𑂩𑂹𑂝 𑂮𑂑𑂹𑂍𑂪𑂹𑂣 𑂍𑂍𑂵 𑂄𑂣𑂢 𑂮𑂧𑂹𑂫𑂱𑂡𑂰𑂢 𑂮𑂦𑂰 𑂧𑂵 𑂄𑂔 २६
𑂢𑂫𑂧𑂹𑂥𑂩 १९४९ (𑂃𑂏𑂯𑂢 𑂮𑂳𑂠 𑂬𑂳𑂍𑂹𑂪 𑂮𑂣𑂹𑂞𑂧𑂲 𑂫𑂱𑂍𑂹𑂩𑂧 𑂮𑂧𑂹𑂫𑂞 𑂠𑂳 𑂯𑂔𑂰𑂩 𑂓𑂫) 𑂍𑂵 𑂩𑂷𑂔

𑂉𑂯𑂮𑂵 𑂆 𑂮𑂧𑂹𑂫𑂱𑂡𑂰𑂢 𑂍𑂵 𑂮𑂹𑂫𑂲𑂍𑂰𑂩 𑂍𑂍𑂵, 𑂉𑂯𑂍𑂵 𑂃𑂡𑂱𑂢𑂱𑂨𑂧𑂱𑂞 𑂄
𑂄𑂞𑂹𑂧𑂮𑂧𑂩𑂹𑂣𑂱𑂞 𑂍𑂩ऽ𑂞𑂰𑂢𑂲𑂔𑂰 𑃁

𑂊𑂞𑂱𑂯𑂮𑂱𑂍 𑂣𑂴𑂩𑂹𑂫𑂒𑂩𑂱𑂞𑂧

𑂄𑂧𑂳𑂎 𑂇𑂠𑂹𑂠𑂵𑂬𑂍𑂵 𑂣𑂹𑂩𑂮𑂹𑂞𑂰𑂫 𑂣𑂩 𑂄𑂡𑂰𑂩𑂱𑂞 𑂥𑂰 𑂔𑂵𑂍𑂵 १३ 𑂠𑂱𑂮𑂧𑂹𑂥𑂩 १९४६ 𑂍𑂵 𑂮𑂧𑂹𑂫𑂱𑂡𑂰𑂢 𑂮𑂦𑂰𑂧𑂵 𑂔𑂫𑂰𑂯𑂩𑂪𑂰𑂪 𑂢𑂵𑂯𑂩𑂴 𑂠𑂹𑂫𑂰𑂩𑂰 𑂣𑂹𑂩𑂮𑂹𑂞𑂳𑂞 𑂍𑂩𑂪 𑂏𑂅𑂪 𑂔𑂵 २२ 𑂔𑂢𑂫𑂩𑂲 १९४७ 𑂍𑂵 𑂮𑂍𑂰𑂩ऽ𑂪 𑂏𑂅𑂪 𑂄 𑂮𑂧𑂹𑂫𑂱𑂡𑂰𑂢 𑂮𑂦𑂰 𑂠𑂹𑂫𑂰𑂩𑂰 २६ 𑂢𑂫𑂧𑂹𑂥𑂩 १९४९ 𑂍𑂵 𑂃𑂣𑂢𑂰𑂫𑂪 𑂏𑂅𑂪 𑂄 २६ 𑂔𑂢𑂫𑂩𑂲 १९५० 𑂮𑂵 𑂪𑂰𑂏𑂴 𑂦𑂅𑂪 𑃀 𑂥𑂲.𑂄𑂩. 𑂄𑂧𑂹𑂥𑂵𑂙𑂍𑂩 𑂄𑂧𑂳𑂎 𑂍𑂵 𑂪𑂵𑂍𑂵 𑂍𑂯𑂪𑂵 𑂍𑂵;

𑂮𑂰𑂒𑂹𑂒𑂷𑂧𑂵, 𑂆 𑂔𑂱𑂢𑂏𑂲 𑂍𑂵 𑂉𑂏𑂷 𑂊𑂮𑂢 𑂙𑂏𑂩 𑂩𑂯𑂵, 𑂔ऽ𑂫𑂢 𑂮𑂹𑂫𑂞𑂢𑂹𑂞𑂹𑂩𑂞𑂰, 𑂮𑂧𑂰𑂢𑂞𑂰 𑂄 𑂥𑂢𑂹𑂡𑂳𑂞𑂹𑂞𑂰 𑂍𑂵 𑂔𑂱𑂢𑂏𑂲 𑂍𑂵 𑂮𑂱𑂠𑂹𑂡𑂰𑂢𑂹𑂞 𑂍𑂵 𑂩𑂴𑂣𑂧𑂵 𑂒𑂱𑂢𑂹𑂯ऽ𑂞 𑂩𑂯𑂵 𑂄 𑂔𑂵𑂍𑂩𑂰 𑂍𑂵 𑂉𑂍 𑂠𑂷𑂮𑂩𑂰 𑂮𑂵 𑂃𑂪𑂏ऽ 𑂢𑂰 𑂍𑂩𑂪 𑂔𑂰 𑂮𑂍𑂵𑂪𑂰; 𑂮𑂹𑂫𑂞𑂢𑂹𑂞𑂹𑂩𑂞𑂰 𑂍𑂵 𑂮𑂧𑂰𑂢𑂞𑂰 𑂮𑂵 𑂃𑂪𑂏 𑂢𑂰 𑂍𑂩𑂪 𑂔𑂰 𑂮𑂍𑂵𑂪𑂰; 𑂮𑂧𑂰𑂢𑂞𑂰 𑂍𑂵 𑂮𑂹𑂫𑂞𑂢𑂹𑂞𑂹𑂩𑂞𑂰 𑂮𑂵 𑂃𑂪𑂏 𑂢𑂰 𑂍𑂩𑂪 𑂔𑂰 𑂮𑂍𑂵 𑃀 𑂢𑂰 𑂞ऽ 𑂮𑂹𑂫𑂞𑂢𑂹𑂞𑂹𑂩𑂞𑂰 𑂄 𑂮𑂧𑂰𑂢𑂞𑂰 𑂍𑂵 𑂥𑂢𑂹𑂡𑂳𑂞𑂹𑂞𑂰 𑂮𑂵 𑂃𑂪𑂏 𑂍𑂅𑂪 𑂔𑂰 𑂮𑂍𑂵 𑃀 𑂥𑂱𑂢𑂰 𑂮𑂧𑂰𑂢𑂞𑂰 𑂍𑂵 𑂮𑂹𑂫𑂞𑂢𑂹𑂞𑂹𑂩𑂞𑂰 𑂮𑂵 𑂥𑂯𑂳𑂞 𑂪𑂷𑂏𑂲𑂢 𑂣𑂩 𑂞𑂱𑂢𑂍𑂰 𑂪𑂷𑂏𑂲𑂢 𑂍𑂵 𑂥𑂩𑂹𑂒𑂮𑂹𑂫 𑂣𑂶𑂠𑂰 𑂯𑂷𑂪𑂰 𑃀 𑂥𑂱𑂢𑂰 𑂮𑂹𑂫𑂞𑂢𑂹𑂞𑂹𑂩𑂞𑂰 𑂍𑂵 𑂮𑂧𑂰𑂢𑂞𑂰 𑂫𑂹𑂨𑂍𑂹𑂞𑂱𑂏𑂞 𑂣𑂯𑂪 𑂍𑂵 𑂧𑂰𑂩 𑂠𑂵𑂫𑂵𑂪𑂰𑃀 𑂥𑂱𑂢𑂰 𑂥𑂢𑂹𑂡𑂳𑂞𑂹𑂞𑂰 𑂍𑂵 𑂮𑂹𑂫𑂞𑂢𑂹𑂞𑂹𑂩𑂞𑂰 𑂄 𑂮𑂧𑂰𑂢𑂞𑂰 𑂮𑂹𑂫𑂰𑂦𑂰𑂫𑂱𑂍 𑂞𑂩𑂲𑂍𑂰 𑂮𑂵 𑂢𑂰 𑂥𑂢 𑂮𑂍𑂵𑂪𑂰 𑃁

𑂔𑂥 𑂮𑂧𑂹𑂫𑂱𑂡𑂰𑂢 𑂮𑂦𑂰 𑂉𑂯 𑂄𑂧𑂳𑂎 𑂣𑂩 𑂥𑂯𑂮 𑂍𑂩𑂞 𑂩𑂯𑂵 𑂞𑂥 𑂆 𑂩𑂰𑂨 𑂠𑂱𑂯𑂪 𑂏𑂅𑂪 𑂍𑂵 𑂦𑂰𑂩𑂞 𑂍𑂵 𑂢𑂰𑂀𑂫 𑂥𑂠𑂪𑂍𑂵 "𑂦𑂰𑂩𑂞𑂲𑂨 𑂮𑂧𑂰𑂔𑂫𑂰𑂠𑂲 𑂏𑂝𑂩𑂰𑂔𑂹𑂨 𑂮𑂑𑂹𑂐" 𑂩𑂎𑂪 𑂔𑂰𑂫, 𑂧𑂰𑂢𑂷𑂍𑂵 𑂦𑂰𑂩𑂞 𑂮𑂷𑂫𑂱𑂨𑂞 𑂮𑂑𑂹𑂐𑂍𑂵 𑂢𑂍𑂪 𑂍𑂩𑂞 𑂯𑂷𑂎𑂵, 𑂨𑂠𑂹𑂠𑂣𑂱 𑂃𑂢𑂹𑂨 𑂮𑂠𑂮𑂹𑂨 𑂉𑂯 𑂥𑂰𑂞𑂮𑂵 𑂃𑂮𑂯𑂧𑂞 𑂩𑂯𑂪𑂵 𑃁

𑂆𑂯𑂷 𑂥𑂰𑂞 𑂣𑂩 𑂥𑂯𑂮 𑂦𑂅𑂪𑂍𑂵 𑂄𑂧𑂳𑂎𑂧𑂵 𑂦𑂏𑂫𑂰𑂢 𑂄 𑂏𑂰𑂢𑂹𑂡𑂲 𑂢𑂰𑂧 𑂬𑂰𑂧𑂱𑂪 𑂍𑂅𑂪 𑂔𑂰𑂫 𑂍𑂵 𑂢𑂰 𑃀 𑂣𑂯𑂱𑂪𑂍𑂰𑂍𑂵 𑂧𑂞𑂠𑂰𑂢 𑂞𑂥 𑂯𑂷 𑂏𑂅𑂪 𑂔𑂥 ६८𑂏𑂷 𑂮𑂠𑂮𑂹𑂨 ‘𑂦𑂏𑂫𑂰𑂢’ 𑂍𑂵 𑂎𑂱𑂪𑂰𑂤 𑂫𑂷𑂗 𑂠𑂱𑂯𑂪𑂵 𑃀 𑂉𑂒.𑂫𑂲.𑂍𑂰𑂧𑂟𑂵 𑂥𑂵𑂞𑂰𑂥 𑂯𑂷𑂍𑂵 𑂃𑂦𑂱𑂣𑂹𑂩𑂰𑂨 𑂠𑂱𑂯𑂪𑂵 𑂍𑂵, ‘𑂧𑂯𑂰𑂮𑂨𑂵, 𑂆 𑂯𑂧𑂢𑂲 𑂍𑂵 𑂅𑂞𑂱𑂯𑂰𑂮𑂍𑂵 𑂉𑂏𑂷 𑂍𑂩𑂱𑂨𑂰 𑂠𑂱𑂢 𑂥𑂰 𑃀 𑂦𑂏𑂫𑂰𑂢 𑂦𑂰𑂩𑂞𑂍𑂵 𑂥𑂒𑂰𑂫𑂮 𑃁' 𑂔𑂥𑂍𑂵 𑂥𑂰𑂠 𑂧𑂵 - 𑂏𑂰𑂢𑂹𑂡𑂲𑂍𑂵 𑂢𑂰𑂧 𑂬𑂰𑂧𑂱𑂪 𑂍𑂩𑂵𑂍𑂵 𑂮𑂳𑂕𑂰𑂫 𑂥𑂹𑂩𑂔𑂵𑂬𑂹𑂫𑂩 𑂣𑂹𑂩𑂮𑂰𑂠 𑂢𑂰𑂍𑂰𑂩 𑂠𑂱𑂯𑂪𑂵, 𑂔𑂱𑂢𑂹𑂍𑂩𑂰 𑂪𑂰𑂏ऽ𑂞 𑂩𑂯𑂵 𑂍𑂵 '𑂮𑂚𑂪 𑂮𑂧𑂹𑂫𑂱𑂡𑂰𑂢' - 𑂔𑂫𑂢 𑂃𑂧𑂵𑂩𑂱𑂍𑂲 𑂮𑂳𑂣𑂹𑂩𑂲𑂧 𑂍𑂷𑂩𑂹𑂗𑂍𑂵 𑂧𑂰𑂧𑂪𑂰 𑂄 𑂦𑂰𑂩𑂞 𑂮𑂩𑂍𑂰𑂩𑂍𑂵 𑂍𑂰𑂢𑂴𑂢 𑂣𑂩 𑂄𑂡𑂰𑂩𑂱𑂞 𑂥𑂰, 𑂉𑂯 𑂧𑂵 '𑂏𑂰𑂢𑂹𑂡𑂲𑂫𑂰𑂠𑂲' 𑂣𑂹𑂩𑂍𑂹𑂩𑂱𑂞𑂱 𑂢𑂆𑂎𑂵, 𑂮𑂵 𑂏𑂰𑂢𑂹𑂡𑂲 𑂍𑂵 𑂢𑂰𑂀𑂠 𑂬𑂰𑂧𑂱𑂪 𑂢𑂰 𑂯𑂷𑂎𑂵 𑃀 𑂣𑂹𑂩𑂮𑂰𑂠 𑂍𑂯𑂪𑂵 𑂍𑂵, "𑂯𑂧 𑂢𑂆𑂎𑂲 𑂒𑂰𑂯𑂞𑂍𑂵 𑂧𑂯𑂰𑂞𑂹𑂧𑂰 𑂏𑂰𑂢𑂹𑂡𑂲𑂍𑂵 𑂢𑂰𑂀𑂫 𑂉𑂯 𑂮𑂧𑂹𑂫𑂱𑂡𑂰𑂢𑂧𑂵 𑂬𑂰𑂧𑂱𑂪 𑂯𑂷𑂎𑂵, 𑂍𑂰𑂯𑂵𑂮𑂵𑂍𑂵 𑂆 𑂏𑂰𑂢𑂹𑂡𑂲𑂫𑂰𑂠𑂲 𑂮𑂧𑂹𑂫𑂱𑂡𑂰𑂢 𑂢𑂆𑂎𑂵 𑃀 𑂔𑂠𑂲 𑂯𑂧𑂢𑂲𑂍𑂵 𑂪𑂏𑂵 𑂏𑂰𑂢𑂹𑂡𑂲𑂫𑂰𑂠𑂲 𑂮𑂧𑂹𑂫𑂱𑂡𑂰𑂢 𑂩𑂯𑂱𑂞 𑂞ऽ 𑂯𑂧 𑂣𑂯𑂱𑂪𑂍𑂰 𑂄𑂠𑂧𑂲 𑂩𑂯𑂞𑂲 𑂔𑂫𑂢 𑂄𑂣𑂢 𑂮𑂧𑂩𑂹𑂟𑂢 𑂠𑂵𑂞𑂲 𑃀 𑂏𑂰𑂢𑂹𑂡𑂲 𑂍𑂵 𑂢𑂰𑂧 𑂤𑂵𑂩𑂰 𑂪𑂵𑂫𑂵 𑂍𑂵 𑂒𑂰𑂯𑂲 𑃁"

𑂦𑂰𑂩𑂞𑂲𑂨 𑂮𑂩𑂹𑂫𑂷𑂒𑂹𑂒 𑂢𑂹𑂨𑂰𑂨𑂰𑂪𑂨 𑂧𑂴𑂩𑂩𑂴𑂣 𑂮𑂵 𑂥𑂵𑂩𑂳𑂥𑂰𑂩𑂲 𑂧𑂰𑂧𑂪𑂰𑂧𑂵 𑂩𑂰𑂭𑂹𑂗𑂹𑂩𑂣𑂞𑂱 𑂣𑂍𑂹𑂭𑂧𑂵 𑂤𑂶𑂮𑂪𑂰 𑂍𑂅𑂪𑂵 𑂩𑂯𑂵 𑂍𑂵 𑂄𑂧𑂳𑂎 𑂦𑂰𑂩𑂞𑂲𑂨 𑂮𑂧𑂹𑂫𑂱𑂡𑂰𑂢 𑂍𑂵 𑂃𑂥𑂱𑂦𑂰𑂔𑂹𑂨 𑂃𑂑 𑂢𑂅𑂎𑂵, 𑂄 𑂉𑂯𑂲 𑂒𑂪𑂹𑂞𑂵 𑂆 𑂃𑂠𑂰𑂪𑂞𑂢𑂧𑂵 𑂪𑂰𑂏𑂴 𑂢𑂰 𑂯𑂷 𑂮𑂍𑂵𑂪𑂰 𑃀 𑂨𑂠𑂹𑂠𑂣𑂱 𑂇𑂯𑂵 𑂃𑂠𑂰𑂪𑂞 १९७३ 𑂍𑂵 𑂍𑂵𑂬𑂫𑂰𑂢𑂢𑂹𑂠 𑂧𑂰𑂧𑂪𑂰𑂧𑂵 𑂣𑂯𑂱𑂪𑂵𑂍𑂵 𑂤𑂶𑂮𑂪𑂰 𑂍𑂵 𑂢𑂰𑂧𑂖𑂹𑂔𑂴𑂩𑂍 𑂠𑂵𑂪𑂮 𑂄 𑂧𑂰𑂢 𑂪𑂵𑂪𑂮𑂍𑂵 𑂄𑂧𑂳𑂎𑂍𑂵 𑂇𑂣𑂨𑂷𑂏 𑂮𑂧𑂹𑂫𑂱𑂡𑂰𑂢𑂍𑂵 𑂃𑂮𑂹𑂣𑂭𑂹𑂗 𑂍𑂹𑂭𑂵𑂞𑂹𑂩𑂢𑂍𑂵 𑂫𑂹𑂨𑂰𑂎𑂹𑂨𑂰 𑂍𑂩𑂵 𑂎𑂰𑂞𑂲𑂩 𑂍𑂆𑂪 𑂔𑂰 𑂮𑂍𑂵𑂪𑂰, 𑂔𑂯𑂫𑂰 𑂃𑂪𑂏-𑂃𑂪𑂏 𑂫𑂹𑂨𑂰𑂎𑂹𑂨𑂰 𑂎𑂳𑂠𑂵𑂍𑂵 𑂣𑂹𑂩𑂮𑂹𑂞𑂳𑂞 𑂍𑂩𑂵𑂪𑂵 𑃀 १९९५ 𑂧𑂵 𑂍𑂵𑂢𑂹𑂠𑂹𑂩 𑂮𑂩𑂍𑂰𑂩 𑂥𑂱𑂩𑂳𑂠𑂹𑂡 𑂦𑂰𑂩𑂞𑂲𑂨 𑂉𑂪.𑂄𑂆.𑂮𑂲 𑂍𑂵 𑂧𑂰𑂧𑂪𑂰𑂧𑂵 𑂮𑂳𑂣𑂹𑂩𑂲𑂧 𑂍𑂷𑂩𑂹𑂗 𑂉𑂍 𑂥𑂵𑂩𑂲 𑂤𑂵𑂩𑂳 𑂮𑂵 𑂍𑂯ऽ𑂪𑂮𑂍𑂵 𑂄𑂧𑂳𑂎 𑂮𑂧𑂹𑂫𑂱𑂡𑂰𑂢 𑂍𑂵 𑂃𑂥𑂱𑂦𑂰𑂔𑂹𑂨 𑂃𑂑 𑂥𑂰 𑃁

𑂄𑂧𑂳𑂎 𑂔𑂵 𑂍𑂵 𑂧𑂴𑂩𑂩𑂴𑂣 𑂮𑂵 𑂢𑂱𑂩𑂹𑂧𑂰𑂝𑂪 𑂏𑂅𑂪 𑂩𑂯𑂵,𑂋𑂯 𑂧𑂵 𑂩𑂰𑂔𑂹𑂨 𑂍𑂵 𑂣𑂩𑂧𑂰𑂡𑂱𑂣𑂞𑂹𑂨𑂍, 𑂪𑂷𑂍𑂞𑂰𑂢𑂹𑂞𑂹𑂩𑂱𑂍, 𑂏𑂝𑂞𑂢𑂹𑂞𑂹𑂩 𑂍𑂵 𑂩𑂴𑂣𑂧𑂵 𑂥𑂞𑂰𑂫𑂪 𑂏𑂅𑂪 𑂩𑂯𑂵, 𑂥𑂰𑂍𑂲𑂩 𑂥𑂰𑂠𑂧𑂵 ४२𑂫𑂰 𑂮𑂁𑂬𑂷𑂡𑂢𑂧𑂵 𑂄𑂣𑂰𑂞𑂍𑂰𑂪 𑂍𑂵 𑂠𑂸𑂩𑂰𑂢 𑂮𑂁𑂮𑂠 𑂠𑂹𑂫𑂰𑂩𑂰 𑂡𑂧𑂹𑂧𑂢𑂱𑂩𑂣𑂵𑂎 𑂄 𑂮𑂧𑂰𑂔𑂫𑂰𑂠𑂲 𑂬𑂥𑂹𑂠 𑂣𑂰𑂩𑂱𑂞 𑂍𑂅𑂪 𑂏𑂅𑂪 𑃁

𑂄𑂧𑂳𑂎𑂫𑂰𑂪𑂰 𑂣𑂢𑂹𑂢𑂰𑂍𑂵 𑂮𑂑𑂵 𑂃𑂮𑂹𑂮𑂪 𑂦𑂰𑂩𑂞𑂲𑂨 𑂮𑂧𑂹𑂫𑂱𑂡𑂰𑂢𑂍𑂵 𑂥𑂰𑂍𑂱𑂨𑂷 𑂣𑂢𑂹𑂢𑂰𑂍𑂵 𑂙𑂱𑂔𑂰𑂅𑂢 𑂄 𑂮𑂔𑂰𑂫𑂗 𑂔𑂥𑂪𑂣𑂳𑂩𑂍𑂵 𑂧𑂬𑂯𑂴𑂩 𑂒𑂱𑂞𑂹𑂩𑂍𑂰𑂩 𑂥𑂵𑂫𑂯𑂩 𑂩𑂰𑂧𑂧𑂢𑂷𑂯𑂩 𑂮𑂱𑂢𑂹𑂯𑂰 𑂍𑂅𑂪𑂵 𑂩𑂯𑂪𑂵 𑂔𑂵 𑂞𑂥 𑂄𑂒𑂰𑂩𑂹𑂨 𑂢𑂢𑂹𑂠𑂪𑂰𑂪 𑂥𑂷𑂮𑂍𑂵 𑂮𑂑𑂵 𑂬𑂰𑂢𑂹𑂞𑂱𑂢𑂱𑂍𑂵𑂞𑂢𑂧𑂵 𑂩𑂯𑂞 𑂩𑂯𑂪𑂵 𑃀 𑂢𑂢𑂹𑂠𑂪𑂰𑂪 𑂥𑂷𑂮 𑂥𑂏𑂵𑂩 𑂍𑂫𑂢𑂷 𑂥𑂠𑂪𑂰𑂫 𑂍𑂅𑂪𑂵 𑂥𑂵𑂫𑂯𑂩 𑂩𑂰𑂧𑂧𑂢𑂷𑂯𑂩 𑂮𑂱𑂢𑂹𑂯𑂰𑂍𑂵 𑂍𑂪𑂰𑂍𑂹𑂩𑂱𑂞𑂱𑂍𑂵 𑂮𑂧𑂩𑂹𑂟𑂢 𑂍𑂅𑂪𑂵 𑃀 𑂉𑂯 𑂣𑂢𑂹𑂢𑂰𑂍𑂵 𑂢𑂱𑂒𑂪𑂰 𑂠𑂰𑂯𑂱𑂢𑂫𑂰𑂩𑂲 𑂍𑂷𑂢𑂰𑂧𑂵 𑂠𑂵𑂫𑂢𑂰𑂏𑂩𑂲 𑂪𑂱𑂣𑂱 𑂧𑂵 𑂥𑂵𑂫𑂯𑂩 𑂩𑂰𑂧𑂧𑂢𑂷𑂯𑂩 𑂮𑂱𑂢𑂹𑂯𑂰𑂍𑂵 𑂢𑂢𑂹𑂯𑂱𑂒𑂳𑂍𑂹𑂍𑂲 𑂯𑂮𑂹𑂞𑂰𑂍𑂹𑂭𑂩 "𑂩𑂰𑂧" 𑂥𑂰 𑃀 𑂮𑂳𑂪𑂵𑂎 𑂣𑂹𑂩𑂵𑂧 𑂥𑂱𑂯𑂰𑂩𑂲 𑂢𑂰𑂩𑂰𑂨𑂝 𑂩𑂰𑂨𑂔𑂰𑂠𑂰 𑂍𑂅𑂪𑂵 𑂩𑂯𑂪𑂵 𑃁

𑂄𑂧𑂳𑂎𑂧𑂵 १८ 𑂠𑂱𑂮𑂧𑂹𑂥𑂩 १९७६ 𑂍𑂵 𑂧𑂰𑂞𑂹𑂩 𑂉𑂍𑂹𑂍𑂵 𑂥𑂵𑂩𑂲𑂨𑂰 𑂮𑂁𑂬𑂷𑂡𑂢 𑂦𑂅𑂪 𑃀 𑂦𑂰𑂩𑂞𑂧𑂵 𑂄𑂣𑂰𑂞𑂍𑂰𑂪𑂍𑂵 𑂥𑂵𑂩𑂰 𑂅𑂢𑂹𑂠𑂱𑂩𑂰 𑂏𑂰𑂢𑂹𑂡𑂲 𑂮𑂩𑂍𑂰𑂩 𑂮𑂧𑂹𑂫𑂱𑂡𑂰𑂢𑂍𑂵 ४२𑂫𑂰 𑂮𑂁𑂬𑂷𑂡𑂢𑂧𑂵 𑂍𑂵𑂞𑂢𑂯𑂵 𑂣𑂩𑂱𑂫𑂩𑂹𑂞𑂢 𑂍𑂅𑂪𑂮 𑃀 𑂉𑂯 𑂮𑂁𑂬𑂷𑂡𑂢 𑂮𑂵 "𑂣𑂩𑂧𑂰𑂡𑂱𑂣𑂞𑂹𑂨𑂍" 𑂄 "𑂪𑂷𑂍𑂞𑂰𑂢𑂹𑂞𑂹𑂩𑂱𑂍" 𑂬𑂥𑂹𑂠𑂢𑂍𑂵 𑂥𑂲𑂒 "𑂮𑂧𑂰𑂔𑂫𑂰𑂠𑂲" 𑂄 "𑂡𑂧𑂹𑂧𑂢𑂱𑂩𑂣𑂵𑂎" 𑂬𑂥𑂹𑂠 𑂔𑂷𑂚𑂪 𑂏𑂅𑂪 𑂄 "𑂩𑂰𑂭𑂹𑂗𑂹𑂩 𑂍𑂵 𑂉𑂍𑂞𑂰" 𑂬𑂥𑂹𑂠 𑂍𑂵 𑂣𑂩𑂱𑂫𑂩𑂹𑂞𑂱𑂞 𑂍𑂍𑂵 "𑂩𑂰𑂭𑂹𑂗𑂹𑂩 𑂍𑂵 𑂉𑂍𑂞𑂰 𑂄 𑂃𑂎𑂝𑂹𑂙𑂱𑂞𑂹𑂞𑂰" 𑂡ऽ 𑂠𑂱𑂯𑂪 𑂏𑂅𑂪 𑃁

𑂮𑂰𑂪 १९९४ 𑂧𑂵 "𑂉𑂮.𑂄𑂩.𑂥𑂷𑂧𑂰𑂆 𑂥𑂱𑂩𑂳𑂠𑂹𑂡 𑂦𑂰𑂩𑂞 𑂮𑂑𑂹𑂐" 𑂧𑂰𑂧𑂪𑂰 𑂥𑂵𑂩𑂰 𑂦𑂰𑂩𑂞𑂲𑂨 𑂮𑂩𑂹𑂫𑂷𑂒𑂹𑂒 𑂢𑂹𑂨𑂰𑂨𑂰𑂪𑂨 𑂍𑂵 𑂍𑂯ऽ𑂢𑂰𑂧𑂰 𑂩𑂯𑂵 𑂍𑂵 𑂡𑂧𑂹𑂧𑂢𑂱𑂩𑂣𑂵𑂎𑂞𑂰 𑂧𑂳𑂩 𑂮𑂁𑂩𑂒𑂢𑂰 𑂮𑂱𑂠𑂹𑂡𑂰𑂢𑂹𑂞 𑂍𑂵 𑂯𑂱𑂮𑂹𑂮𑂰 𑂥𑂰𑂗𑂵 𑃁