2017 उड़ी हमला
टेम्पलेट:Infobox civilian attack
2016 उड़ी हमला भारतीय राज्य जम्मू काश्मीर में बारामुला जिला के उड़ी के नजदीक, 18 सितंबर 2016 के, इस्लामी हमलावर सभ द्वारा कइल एक ठो आतंकी हमला रहल। एह हमला के, भारत के रक्षा बल पर पिछला दू दसक के सभसे घातक हमला के रूप में पहिचानल गइल।[१]
हमला[संपादन करीं | स्रोत संपादित करीं]
18 सितंबर 2016 के सबेरे 05.30 बजे, चार गो हमलावर भारतीय सेना के ब्रिगेड मुख्यालय पर, जे लाइन ऑफ कंट्रोल के लगे, उड़ी के पास मौजूद रहल, घात लगा के हमला कई दिहलें। बतावल गइल कि ऊ लोग 3 मिनट के अंदर-अंदर 17 गो ग्रेनेड फेंकले जेवना से सैनिक लोग के कैम्प में लागल टेंट में आगि लाग गइल आ 13-14 जवान झुलस के मर गइल लोग। एकरा बाद गोलीबारी सुरू भइल जे अगिला छह घंटा चलल आ चारो हमलावर मारल गइलें आ 30 जवान घायल भइल लोग।[२][३][४][५] जिन्दा बचल हमलावर सभ के खोज में कॉम्बिंग ऑपेरशन जारी रहल।[१]
ज्यादातर मारल गइल जवान 10 डोगरा आ 6 बिहार रेजिमेंट से रहलें[५]
प्रतिक्रिया[संपादन करीं | स्रोत संपादित करीं]
भारत[संपादन करीं | स्रोत संपादित करीं]
परधान मंत्री नरेंद्र मोदी आ कैबिनेट के मंत्री लोग हमला के जोरदार निंदा कइल आ आपातकालीन बैठक बोलावल जेह में आगे के कार्यबाही के बारे में चर्चा कइल गइल।[१]
अन्य देस सभ[संपादन करीं | स्रोत संपादित करीं]
- टेम्पलेट:Flag - फ्रांसीसी बिदेश मामिला आ इंटरनेशनल डेवलपमेंट के मंत्रालय आ बयान जारी कइल आ हमला के निंदा कइलस आ काश्मीर के बिबाद के शांतिपूर्ण तरीका से समाधान के आवाहन कइलस। "फ़्रांस सबसे मजबूततम शब्दन में भारत के काश्मीर क्षेत्र में सेना के कैम्प पर भइल 18 सितंबर के हमला के निंदा करत बाटे। 17 गो मारल गइल भारतीय सैनिक लोग के परिवार के प्रति शोकसंबेदना ब्यक्त करत बाटे। आतंकबाद के साथ संघर्ष में फ्रांस भारत के साथ खड़ा बाटे। फ्रांस हर देस के गोहरावत बाटे कि अपने क्षेत्र में सक्रिय या अपना क्षेत्र से दुसरा देश पर हमला करे वाला आतंकबादी समूह सभ के खिलाफ परभावशाली ढंग से लड़े। फ्रांस आपन वचनबद्धता दोहरावत बा कि काश्मीर क्षेत्र में समस्या के समाधान शांतिपूर्ण आ संरचनात्मक ढंग से होखे के चाहीं। "[६]
- टेम्पलेट:Flag - यूएई के बिदेस मंत्रालय एक ठो बयान जारी कइल, "हर तरह के आतंकवाद आ एकरे हर तरह के प्रकटीकरण के खिलाफ राष्ट्र के मजबूत स्टैंड के दोहरावत, आ भारत गणराज्य के साथ मजबूती से खड़ा बानी जा, आ आतंकबाद से लड़े आ एकरा के मेटावे खातिर उठावल जाए वाला हर कदम के हमनी के समर्थन बाटे।"[७]
- टेम्पलेट:Flag – बिदेस सचिव बोरिस जॉनसन हमला के निंदा कइलेन, "भारतीय शासित काश्मीर में भइल आज सबेरे के आतंकी हमला के यूके निंदा करत बाटे। पीड़ित लोग आ उनुके परिवार आ मित्र लोग के प्रति हमनी के आपन गंभीरतम सम्बेदना ब्यक्त करत बानी। यूके हर तरह के आतंकवाद के निन्दा करत बा, आ आतंकबाद से लड़े आ (एह हमला के) तैयारी करे वाला लोग के सजा दियवावे में भारत के साथे कंधा-से-कंधा मिला के खड़ा बाटे।"[८]
- टेम्पलेट:Flag – स्टेट्स डिपार्टमेंट के प्रवक्ता जॉन किर्बाई कहलें, "भारतीय सेना के कश्मीर में अड्डा पर 18 सितंबर के आतंकी हमला के यूनाइटेड स्टेट्स कठोर निंदा करत बा। पीड़ित लोग आ उनुके परिवार के प्रति हमनी के शोक संबेदना भेजत बानी। यूनाइटेड स्टेट्स आतंकबाद से निपटे में भारत सरकार के साथे आपन मजबूत पार्टनरशिप के प्रति वचनबद्ध बाटे।"[९]
इहो देखल जाय[संपादन करीं | स्रोत संपादित करीं]
संदर्भ[संपादन करीं | स्रोत संपादित करीं]
- ↑ १.० १.१ १.२ टेम्पलेट:Cite news
- ↑ टेम्पलेट:Cite news
- ↑ Uri attack: An inside story of how it happened, India Today, 18 September 2016.
- ↑ Sequence of the Uri attack & the plan of the terrorists, The Economic Times, 19 September 2016.
- ↑ ५.० ५.१ Uri Attack: Most of the 17 Soldiers Died in a Tent Fire, The Quint, 19 September 2016.
- ↑ टेम्पलेट:Cite web
- ↑ टेम्पलेट:Cite web
- ↑ टेम्पलेट:Cite web
- ↑ टेम्पलेट:Cite web