एजियन सागर

टेम्पलेट:Infobox sea एजियन सागर (टेम्पलेट:Lang-en) भा ईजियन सागर यूरोप आ एशिया के बीचा में, भूमध्य सागर के एगो लमछर खाड़ी हवे। ई बाल्कन आ अनातोलिया क्षेत्रन के बीचा में पड़े ला आ एकर बिस्तार करीबन 2,15,000 वर्ग किलोमीटर रकबा पर बाटे। उत्तर में ई सागर मारमरा सागर आ काला सागर से डार्डेनल्स आ बास्पोरस जलजोड़ के माध्यम से जुड़ल बाटे। एह में मौजूद एगो दीपसमूह के नाँव एजियन दीपसमूह हवे जे एकरे दक्खिनी माथ पर बाटे, एह में क्रीट आ रोड्स दीप सामिल बाड़ें। एजियन सागर के अधिकतम गहिराई क्रीट के पूरुब में बा जहाँ ई 3,544 मीटर गहिरा बाटे। थ्रासियन सागर आ क्रीट सागर एकर उपबिभाग हवें।

एजियन सागर के इतिहासी महत्व रहल बाटे, बिसेस रूप से प्राचीन यूनान (एनशियेंट ग्रीस) के मामिला में, जे लोग एह एरिया में एही सागर के तीरे पर आ दीप सभ पर आबाद रहल।