लक्ष्मीपुर पतारी गाँवपालिका
टेम्पलेट:Infobox settlement लक्ष्मीपुर पतारी गांवपालिका, नेपाल के सिराहा जिला में एगो गाँवपालिका बा। ई गांवपालिका में 6 गो वार्ड बा। इ गांवपालिका के कुल जनसंख्या 26,913 बा आ क्षेत्रफल 42.33 वर्गकिलोमिटर बाटे।
नेपाल में नेपालके नया 744 स्थानीय प्रशासनिक इकाई लागू भइला के बाद से सिराहा जिला के पहिले के महेशपुर पतारी, लक्ष्मीपुर पतारी, सितापुर प्रध, पिप्रा प्रध, पोखरभिंडा आ खरूकियाही गांव विकास समिति सभ के मिला के लक्ष्मीपुर पतारी गांवपालिका बनल ह।[१] एकर केंद्र पहिले के महेशपुर पतारी गाविस के कार्यालय मे राखल गईल बा। इ गांवपालिका के उत्तर मे धनगढ़ीमाई नगरपालिका, लहान नगरपालिका, दक्खिन मे बरियारपट्टी गांवपालिका पुरब मे सखुवानान्कारकट्टी गांवपालिका आ पश्चिम मे सुखीपुर नगरपालिका बाटे।[२]
भूगोल[संपादन करीं | स्रोत संपादित करीं]
लक्ष्मीपुर पतारी गांवपालिका नेपाल के सिराहा जिला के हिस्सा हवे आ ई नेपाल में दक्खिनी-पूरबी हिस्सा में पड़े ला। ई इलाका नेपाल के तराई वाला इलाका हवे, मने कि पहाड़ प्रदेश के दक्खिन में समथर जमीन वाला इलाका हऽ। इहाँ के जलवायु के निचला उष्णकटिबंधी जलवायु में रखल गइल बा[३] हालाँकि, कोपेन के जलवायु बर्गीकरण के हिसाब से ई इलाका Cwb कटेगरी में रखल जाला।
प्रशासन[संपादन करीं | स्रोत संपादित करीं]
नेपाल के बाकी गाँवपालिका सभ नियर, लक्ष्मीपुर पतारी में भी स्थानीय प्रशासन के ब्यवस्था बा। इहवों, गाँवपालिका के एक ठो कार्यालय बा आ गाँवपालिका के स्थानीय प्रशासन गांव कार्यपालिका द्वारा चलावल जाला जेकर अध्यक्ष आ उपाध्यक्ष चुनल जाला लोग।
गाँवपालिका में आवे वाला गाँव सभ, जिनहन के पाहिले गाँउ बिकास समीति (गाविस) कहल जाय, के कुल संख्या आ नाँव नीचे दिहल गइल बा:
| गिनती | गाँव के नाँव |
|---|---|
| 1. | लक्ष्मीपुर पतारी |
| 2. | महेशपुर पतारी |
| 3. | सितापुर प्रध |
| 4. | पिप्रा प्रध |
| 5. | पोखरभिंडा |
| 6. | खरूकियाही |
जनसांख्यिकी[संपादन करीं | स्रोत संपादित करीं]
लक्ष्मीपुर पतारी के कुल जनसंख्या, 2011 के जनगणना के अनुसार[४] 28,073 रहल जेह में कुल मरदाना लोग के संख्या 13,543 आ औरत लोग के संख्या 14,530। गाँवपालिका के जनसंख्या घनत्व 663.2 (ब्यक्ति प्रति बर्गकिलोमीटर) रहल।