आजाद काश्मीर

टेम्पलेट:Other टेम्पलेट:Infobox settlement आजाद जम्मू ओ काश्मीर भा आजाद काश्मीर, नाममात्र खाती खुदशासित राजनीतिक इकाई ह आ पाकिस्तान द्वारा प्रशासित होला। ई क्षेत्र भारत के अधिकार वाला जम्मू काश्मीर राज्य के पच्छिम में पड़े ला आ पहिले के समय में जम्मू काश्मीर राजघराना के राज में शामिल रहल।

आजाद काश्मीर, बड़हन इकाई काश्मीर के हिस्सा भर हवे जे पर लंबा समय से भारत आ पाकिस्तान के बीचा में बिबाद चल रहल बा। एह राज्यक्षेत्र के सीमा उत्तर में पाकिस्तान के आधिकार वाला गिलगित-बल्तिस्तान से सटे ला आ एह दुनों क्षेत्र के मिला के यूनाइटेड नेशंस "पाक-प्रशासित काश्मीर" के नाँव से बोलावे ला जबकि भारत एकरा के "पाक-आधिकृत काश्मीर" (पीओके) के नाँव देला। आजाद कश्मीर साइज के हिसाब से गिलगित-बल्तिस्तान के मात्र छठवाँ हिस्सा के बरोबर बा। आजाद कश्मीर के पच्छिम में पाकिस्तान के खैबर-पख्तूनख्वाँ राज्य बा आ एकरे दक्खिन में पाकिस्तान के पंजाब प्रांत बाटे। आजाद काश्मीर के पूरुब में भारत के जम्मू अउरी काश्मीर राज्य भा आ इनाहन के बीचा के सीमा लाइन ऑफ कंट्रोल (एलओसी) हवे। आजाद काश्मीर के कुल रकबा 13,297 वर्गकिलोमीटर बा आ 2017 के जनगणना अनुसार कुल जनसंख्या 40,45,366 बाटे।

प्रशासनिक बिभाजन

ई इलाका प्रशासन के हिसाब से तीन गो डिवीजन में बाँटल गइल बा, ओकरे बाद कुल दस गो जिला सभ में बिभाजन कइल गइल बा:

डिवीजन	जिला	जिला के रकबा (किमी²)	जनसंख्या (2017 जनगणना)	जिला के मुख्यालय
मीरपुर|1,010	456,200	न्यू मीरपुर सिटी
कोटली|1,862	774,194	कोटली
भिंबेर|1,516|420,624	भिंबेर
मुजफ्फराबाद |1,642	मुजफ्फराबाद
झेलम घाटी|854	230,529	झेलम घाटी
नीलम घाटी|3,621|191,251	आठमुकाम
पुंछ|855|500,571	रावलाकोट
हवेली|600|152,124	फारवर्ड कहुटा
बाग़|768|371,919	बाग़
सुधनोती|569|297,584	पलान्द्री
कुल	10 जिला	13,297	4,045,366	मुजफ्फराबाद

इहो देखल जाय

• लाइन ऑफ कंट्रोल
• काश्मीर

बाहरो कड़ी

• Government of Azad Jammu and Kashmir
• AJ&K Planning and Development Department