एयर झील

एयर झील (टेम्पलेट:Lang-en), जेकरा के कभि-कभार आयर झील भी कहल जाला, ऑस्ट्रेलिया में एगो थलभीतरी झील बा जे एह महादीप से सभसे बड़हन झील आ सभसे निचाई के बिंदु हवे। महादीप में ई पूरबी बिचला हिस्सा में पड़े ले जबकि साउथ आस्ट्रेलिया प्रांत के एकदम उत्तरी हिस्सा में स्थित बा। एडिलेड शहर से एह झील के दूरी लगभग टेम्पलेट:Convert बा। ई छीछिल झील हवे जे भरपूर बिस्तार वाला एयर झील थाला के पानी के आगमन के सेंटर हवे जबकि एकर पानी कहीं बहरें ना निकले ला; एह तरीका से ई बेसिन एगो थलभीतरी बेसिन हवे आ ई झील एगो थलभीतरी झील हऽ जेकरा से पानी बहरें समुंदर में ना जाला। ई ऑस्ट्रेलिया के सभसे निचाई वाला प्राकृतिक जगह हवे करीबन टेम्पलेट:Convert समुंद्रतल से नीचे आ जब कभी-कभार ई झील पूरा भर जाले आस्ट्रेलिया के सभसे बड़हन झील बन जाले आ एकर सतह के रकबा टेम्पलेट:Convert हो जाला। जब ई पानी से पूरा भरल रहे ले तब एकर खारापन ओतने होला जेतना समुंदरी पानी के होखे ला; बाकी जब एह में पानी कम हो जाला तब ई अतिखारी (हाइपरसेलाइन) झील बन जाले।