ऑक्सीजन
टेम्पलेट:Infobox oxygen ऑक्सीजन (टेम्पलेट:Lang-en) चाहे आक्सीजन, एगो रासायनिक तत्व बा जेकरा के अंगरेजी अच्छर "ओ" (O) से चिन्हित कइल जाला आ एकर परमाणु नंबर 8 हवे। पीरियाडिक टेबल में ई कैल्कजिन समूह में रखल जाला। ई एगो बहुत सक्रिय रासायनिक तत्व हवे जे बहुत सारा तत्व सभ के रासायनिक क्रिया करे में सक्षम होला आ आक्साइड सभ के निर्माण करे ला। खुद ई नान-मेटल यानी की गैर-धातु हवे। एगो अनुमान के अनुसार ई प्रकृति में तिसरा सभसे बेसी मात्रा में पावल जाए वाला तत्व हवे।
पृथ्वी के वायुमंडल में एक दूपरमाणु वाला रूप डाइऑक्सीजन (O2) दुसरा सबसे बेसी मिले वाला गैस हवे जबकि ऊपरी वायुमंडल में एकर सिंगल परमाणु वाला रूप मालीक्यूलर ऑक्सीजन के परत भी पावल जाला। पृथ्वी के सतह के आसपास के हवा में ऑक्सीजन के मात्रा लगभग 21% होखे ला। पृथ्वी के सभसे ऊपरी परत क्रस्ट में भी ई तत्व भरपूर पावल जाला आ एह लेयर में सभसे बेसी पावल जाए वाला तत्व हवे।
एकर महत्व जीवधारी सभ खातिर सीधे प्राणवायु के रूप में बा काहें की जिया जंतु सभ साँस लेवे में आक्सीजन ग्रहण करें लें। दुसरा महत्व ई कि ई गैस हाइड्रोजन के साथे जुड़ के पानी के निर्माण करे ला जे जीवन खाती सभसे जरूरी चीज मानल जाला।