कभी कभी मेरे दिल में
टेम्पलेट:Infobox song कभी कभी मेरे दिल में 1976 में आइल आ यश चोपड़ा के डाइरेक्ट कइल फिलिम कभी कभी के एगो गाना हवे। ई एह फिलिम के टाइटिल गीत हवे जेकरा के साहिर लुधियानवी लिखलें आ मुकेश आ लता मंगेशकर द्वारा गावल गइल।[१][२]
गीत के रिकार्डिंग महबूब स्टूडियो में भइल, महबूब खान के स्टूडियो में जे एगो जानल-मानल प्रोड्यूसर-डाइरेक्टर रहलें, आ अभिन लें ई गीत अपने आप में एगो बेहतरीन रचना के रूप में अस्थापित बा। ई गीतकार आ संगीतकार दुनों लोगन के बेहतरीन कृति मानल जाला; दुनों लोग एकरा खातिर फिल्मफेयर अवार्ड पावल।[३][४]
गीत के बारे में[संपादन करीं | स्रोत संपादित करीं]
गीत के साहिर लुधियानवी के बेहतरीन रचना आ मास्टरपीस मानल जाला। मूल गाना एगो साहित्यिक नज़्म रहे जे उर्दू में उनके काव्य संग्रह तल्खियाँ में छपल रहल। हालाँकि, फिलिम खातिर एह गाना के दुबारा लिखल गइल आ एह में आसान शब्द के इस्तेमाल कइल गइल।
गीत के संगीत देवे के काम ख़य्याम कइलें आ गीत के मुकेश द्वारा गावल गइल। ई गीत मूल रूप से चेतन आनंद के एगो 1950 के फिलिम खातिर बनावल गइल रहल जे कबो रिलीजे ना भइल। ओह फिलिम में एकरा के गीता दत्त आ सुधा मल्होत्रा के आवाज में रिकार्ड कइल गइल रहल।
म्यूजिक बीडियो[संपादन करीं | स्रोत संपादित करीं]
गीत के बीडियो में अमिताभ बच्चन आ राखी बा लोग जिनहन लोगन पर ई काश्मीर में शूट कइल गइल रहल, जाड़ा के सीजन में।
वर्शन[संपादन करीं | स्रोत संपादित करीं]
गीत के मूल वर्शन साहित्यिक रहे[५] आ एकरा के फिलिम खातिर बहुत बदल दिहल गइल। एकरा के अउरी आसान बनावल गइल आ बेसी भावनात्मक आ संगीतमय बनावल गइल। टेम्पलेट:Col-begin टेम्पलेट:Col-break
मूल साहित्यिक वर्शन रहल:
कभी कभी मेरे दिल में ख़याल आता है
कि ज़िंदगी तेरी ज़ुल्फ़ों की नर्म छाँव में
गुज़रने पाती तो शादाब हो भी सकती थी
ये तीरगी जो मेरी ज़ीस्त का मुक़द्दर है
तेरी नज़र की शुआओं में खो भी सकती थी
फिलिम वाला वर्शन हवे:
कभी कभी मेरे दिल में, ख़याल आता है
के जैसे तुझको बनाया गया है मेरे लिये
तू अबसे पहले सितारों में बस रही थी कहीं
तुझे जमीं पे बुलाया गया है मेरे लिये
अवार्ड[संपादन करीं | स्रोत संपादित करीं]
- 1977: फ़िल्मफ़ेयर अवार्ड
- बेस्ट म्यूजिक: ख़य्याम
- बेस्ट गीतकार: साहिर लुधियानवी: "कभी कभी मेरे दिल में"
- बेस्ट प्लेबैक सिंगर: मुकेश: "कभी कभी मेरे दिल में"[६]