काराकोरम

टेम्पलेट:Infobox mountain काराकोरम काश्मीर में एगो परबत श्रेणी बा जे पाकिस्तान, भारत आ चीन देसन में बिस्तार लिहले बा जबकि एकर एकदम पच्छिमी हिस्सा अफगानिस्तान आ ताजिकिस्तान तक ले पहुँचे ला। काराकोरम के अधिकतर हिस्सा काश्मीर के गिलगित-बल्तिस्तान प्रदेश में पड़े ला जे एह समय पाकिस्तान शासित काश्मीर में बाटे। एकर सभसे ऊँच चोटी के2 एही गिलगित-बल्तिस्ताने में पड़े ले जे दुनियाँ के दुसरी सबसे ऊँच परबत चोटी (टेम्पलेट:Convert)_हवे। परबतमाला के शुरुआत पच्छिम में वाखान कॉरिडोर (अफगानिस्तान) से होला, मुख्य रूप से गिलगित-बल्तिस्तान (पाकिस्तान शासित) आ लद्दाख (भारत) अउरी अक्साई चिन (चीन के कंट्रोल में) तक बिस्तार लिहले बाटे। ई दुनियाँ के दुसरी सबसे ऊँच पर्बतमाला हवे आ ओह पर्बतीय मंडली के हिस्सा हवे जेह में पामीर, हिंदुकुश आ हिमालय सामिल बाड़ें। कराकोरम परबत श्रेणी में अठारह गो चोटी अइसन बाड़ी जिनहन के ऊँचाई टेम्पलेट:Cvt से बेसी बा आ चार गो चोटिन के ऊँचाई टेम्पलेट:Cvt से बेसी बा: के2 (टेम्पलेट:Convert), गशेरब्रम I, ब्रॉड पीक आ गशेरब्रम II।

पूरा परबत श्रेणी के लंबाई लगभग टेम्पलेट:Convert बाटे आ ई पृथिवी के ध्रुवीय क्षेत्रन से बहरें के सभसे बेसी ग्लेशियर वाला इलाका हवे। सियाचिन ग्लेशियर आ बियाफो ग्लेशियर दुनियाँ के दूसरा आ तिसरा सभसे लमहर ग्लेशियर हवें जे ध्रुवीय क्षेत्र से बहरें होखें।

काराकोरम के पूरुब में अक्साई चिन के पठार बा, उत्तर में तिब्बत के पठार के किनारा आ यारकंद आ काराकाश नदी के घाटी से एकर चौहद्दी बने ले जिनहन के ओह पार कुनलुन परबत श्रेणी पड़े ला; उत्तर-पच्छिम में एकर जुड़ाव पामीर के पठार से होला आ दक्खिनी सीमा पर पच्छिम से पूरुब के क्रम में गिलगित, सिंधु आ श्योक नदी के घाटी बाड़ी स जे एकरा के हिमालय परबत से अलगा करे लीं। ई नदी उत्तर-पच्छिम मुँह के बहे लीं आ अचानक मुड़ के पाकिस्तान के मैदानी हिस्सा में प्रवेश करे लीं। काराकोरम के लगभग बीचोबीच काराकोरम दर्रा बाटे जे लद्दाख आ यारकंद के बीचा में आवागमन के इतिहासी रस्ता आ बहुत महत्व के ब्यापारिक मार्ग रहल जे अब चालू ना बाटे।

इहो देखल जाय

• काराकोरम दर्रा
• काराकोरम हाइवे
• ट्रांस हिमालय
• लद्दाख श्रेणी
• कराकोरम-पार इलाका

बाहरी कड़ी

• Pakistan's Northern Areas dilemma
• Great Karakorams