काला नमक
टेम्पलेट:For टेम्पलेट:Infobox food काला नमक (अरथ: करियवा नून) एक किसिम के बनावटी नून (नमक) हवे जे प्राकृतिक चट्टानी नून के कई चीज के साथे भट्ठा में तपा के बनावल जाला। मुख्य रूप से ई भारतीय उपमहादीप (भारत, पाकिस्तान, नेपाल इत्यादि) में बनावल आ इस्तेमाल कइल जाला। एकर सवाद आम नून से कुछ कम नुन्छाह होला बाकी एह में बिसेस किसिम के तीखा सवाद आ गंध होखे ला।
काला नमक के मुख्य चीज आम नून नियर सोडियम क्लोराइडे होखे ला बाकी एह में अउरी कई अइसन तत्व मिले लें जिनहन के कारन एकर रंग गुलाबी से ले के मैरून आ करियाहूँ तक ले हो जाला। पीसल काला नमक के पाउडर गुलाबी से बैंगनी रंग के बीच होला।
आमतौर पर ई नून भोजन के चीज सभ में ऊपर से छिरिकल जाला। सलाद, चाट, फल के चाट इत्यादि पर, माठा-दही में चाहे दहीबड़ा में ऊपर से छिरिक के एकर बहुत इस्तेमाल होला। भारतीय परंपरागत इलाज के सिस्टम आ आयुर्वेद आ यूनानी सिस्टम में एकर इस्तेमाल होला।