चट्टानी नून

टेम्पलेट:Infobox mineral चट्टानी नून (टेम्पलेट:Lang-en), जेकरा टेक्निकल भाषा में हैलाइट (टेम्पलेट:Lang-en) कहल जाला, एक किसिम के नून हवे। ई सोडियम क्लोराइड के प्राकृतिक खनिज रूप हवे। ई खनिज रोरा चाहे रवा के रूप में मिले ला आ एह रवा (क्रिस्टल) सभ के आकृति घन (क्यूब) के नियर होखे ले जिनहन के आइसोमीट्रिक क्रिस्टल कहल जाला। आमतौर पर ई नमक उज्जर रंग के चाहे बिना कौनों रंग के होखे ला; हालाँकि, एह में अगर अउरी कौनों दूसर खनिज चाहे अशुद्धता मिलल होखे तब एकर रंग हल्का नीला, हल्का पीयर, गुलाबी, बैंगनी, ललछाहूँ चाहे सलेटी हो सके ला। एकर रंग रवा के संरचना पर भी निर्भर करे ला।

आमतौर पर ई चट्टान सभ के बीचा में अउरी इवैपोराइट खनिज सभ (हैलाइड, बोरेट आ सल्फेट) के संघे पावल जाला। एकर हैलाईट नाँव प्राचीन यूनानी भाषा के हैला से हवे जेकर मतलब नून होला। भारत के कुछ हिस्सा आ पाकिस्तान के हिमालय के निचला हिस्सा सभ में ई नून चट्टान खन के निकालल जाला आ एकरा के हिमालयी चट्टानी नून चाहे आम भाषा में सेन्हा नून (सेंधा नमक) कहल जाला। एह इलाका में एही से भट्ठा में तपा के काला नमक बनावल जाला।