काशी

टेम्पलेट:Aboutटेम्पलेट:Infobox country काशी चाहे काशी राज पुराना जमाना के भारत में एगो राज्य रहल जेकर राजधानी काशी नगरी रहे जेकरा के आज बनारस के नाँव से जानल जाला। ई प्राचीन भारत के महाजनपद काल में एगो प्रमुख उत्तर भारतीय महाजनपद रहल। महाजनपद सभ के उदय ईसा पूर्ब 6वीं सदी में बाद के वैदिक काल के बाद भइल रहे। काशी राज के सीमा तत्कालीन कोसल, मगध आ वत्स नियर महाजनपद सभ से सटल रहे। वर्तमान काल हिसाब से देखल जाय तब पूर्वी उत्तर प्रदेश बनारस के आसपास के ज्यादातर इलाका आ दक्खिनी-पच्छिमी बिहार हिस्सा शामिल रहे जे ब्रिटिश काल में आरा (शाहाबाद) के नाव से जानल जाय आ अब बिहार राज्य के हिस्सा बा।