गुप्त साम्राज्य

टेम्पलेट:Infobox Former Country गुप्त साम्राज्य प्राचीन भारत के एगो साम्राज्य रहल जेकर स्थापना श्री गुप्त द्वारा भइल। चंद्रगुप्त I, समुद्रगुप्त आ चंद्रगुप्त II एह साम्राज्य के परसिद्ध शासक रहल लोग। ई साम्राज्य 320 से 550 ईसवी के बीच अपने उत्कर्ष के काल में रहल आ एह समय के भारत के इतिहास के सोनहरा जुग मानल गइल बा।

एह साम्राज्य के दौरान भारत में भवन निर्माण, नक्काशी, चित्रकारी इत्यादि में सभसे महत्व के योगदान भइल। साहित्य आ कला के दृष्टि से भा बिज्ञान के क्षेत्र में ई काल प्राचीन भारत के इतिहास में सभसे समृद्ध मानल जाला। एही समय में कालिदास, आर्यभट II, वात्स्यायन, वाराहमिहिर, आ विष्णुशर्मा नियर बिद्वान भइल लोग। महाभारत आ रामायण नियर साहित्यिक ग्रंथ सभ अपना वर्तमान रूप में एही समय में आइल।