ग्रेट साल्ट लेक

टेम्पलेट:Infobox body of water ग्रेट साल्ट लेक (टेम्पलेट:Lang-en) पच्छिमी गोलार्ध में सभसे बड़हन नमकीन पानी के झील बाटे,^[१] आ पूरा दुनियाँ के आठवाँ सभसे बड़हन टर्मिनल झील बा।^[२] ई झील अमेरिका के ऊटा राज्य के उत्तरी इलाका में पड़े ले आ लोकल जलवायु पर एकर परभाव देखे के मिले ला। ई झील पुराना जमाना के इतिहासी झील बोनेविले के बाकी बचल हिस्सा हवे जे कब्बो पच्छिमी ऊटाह के जादेतर हिस्सा पर बिस्तार लिहले रहे।

कौनों साधारण साल में नापजोख के औसत आधार पर एकर रकबा टेम्पलेट:Convert रहे ला,^[२] हालाँकि, एकरा छिछिल गहिराई, बस टेम्पलेट:Convert के चलते एकरे एरिया में एक साल से दुसरे साल के बीचा में अंतर देखे के मिले ला। 1980 के दशक में ई इतिहासी टेम्पलेट:Convert ले पहुँच गइल रहे आ वेस्टर्न डेज़र्ट पंपिंग प्रोजेक्ट चलावल गइल कि एह झील से पानी पंप क के अगल-बगल के रेगिस्तान में भेजल जा सके आ लोकल बाढ़ के रोकल जा सके। 2021 में, कई सालन के सूखा के चलते आ ऊपरी धारा सभ के डाइवर्शन के चलते ई सभसे कम एरिया के रिकार्ड लेवल 950 बर्ग मील (2,460 km²) ले पहुँच गइल जे एकरे पाहिले 1963 में रिकार्ड कइल सभसे कम एरिया से भी कम रहल।^[२]^[३]

एह झील में गिरे वाली तीन गो सहायिका नदी जॉर्डन, वेबर आ बियर नदी सभ मिल के एह झील में सालाना लभग 11 लाख टन खनिज सभ के ले आ के बिछावे लीं।^[१] झील से पानी निकसे के कौनों जरिया नइखे आ खाली भाप बन के उड़े से एकरे पानी के कमी होला, एही कारण एह झील के पानी नमकीन हवे (समुंदरी खारा पानी से बहुते बेसी हवे) आ पानी के डेंसिटी बहुत बेसी हवे। पानी के डेंसिटी बेसी होखे के कारन एह में पँवरे वाला लोग के अइसन बुझाला की ऊ पानी पर उतिरा के पँवर रहल बा।

एकरा के "अमेरिकी डेड सी" कहल जाला,^[४] आ ई कई लाख अहिजा के देसी चिरई-चुरुंग, नमकीन पानी के झींगा, तीरे के चिरई, आ पनमुर्गी सभ के आवास उपलब्ध करावे ले आ विल्सन'स फैलारॉप (Wilson's phalarope) नाँव के चिरई के सभसे बेसी आबादी एहिजा मिले ले।^[५]

टेम्पलेट:Clear