झील

सेवान झील, आर्मीनिया के सभसे बड़ जलभंडार हवे। ई यूरेशिया के सबसे बड़ा अल्पाइन झील (ऊँचाई पर मौजूद झील) भी हवे।

पेइटो झील, अल्बर्टा, कनाडा

झील चाहे ताल चारो ओर से जमीन से घेराइल पानी के भंडार होला, जमीन के निचाई वाला एरिया जहाँ पानी के ठहराव होखे, जे एह में आ के जुड़े वाली भा एकर पानी बहा के ले जाए वाली जलधारा (नद्दी) के अलावा पानी के ठहरल भंडार होखे। झील जमीन के थलरूप हवे, मने कि, ई जमीनी सतह के हिस्सा होला आ समुंद्र से अलग होला आ लैगून से अलगा बूझल जाला; ई तालाब आ पोखरा से अलगा, बड़ आ गहिरा होला। नदी भा जलधारा से झील अलग होले काहें कि उनहन में पानी के बहाव होला जबकि झील के पानी थिराइल रहे ला; ज्यादातर झील सभ में पानी नद्दी द्वारा आ सके ला आ बाहरो निकल सकत हो सके ला। झील मीठ पानी क भंडार भी हो सकेला आ नमकीन पानी क भी; ई प्राकृतिक भी हो सकेला या मनुष्य के बनावल भी।

प्राकृतिक झील सभ बेसी कइ के पहाड़ी इलाका, रिफ्ट घाटी वाला इलाका आ ग्लेशियर वाला इलाका सभ में पावल जालीं। अन्य झील सभ अइसन इलाका में पावल जालीं जहाँ जमीन के ढाल अइसन होखे कि अंदरूनी बहाव सिस्टम बन गइल होखे, पानी समुंद्र ने ना पहुँचे बलुक कौनों निचाई के इलाका में एकट्ठा होखे आ झील के रूप में रुक जाय। पुरान आ प्रौढ़ हो चुकल नदी सभ के बहाव के रास्ता में भी झील के निर्माण देखे के मिले ला। भूबैज्ञानिक टाइम पैमाना पर देखल जाव तब सगरी झील टेम्परेरी घटना होखे लीं जे कबो न कबो भरा जइहें।

बहुत सारा झील सभ आदमी के बनावल बंधा द्वारा बनल हो सके लीं जे उद्योग में भा पनबिजली बनावे इत्यादि खातिर बनावल गइल हो सके लीं। सिंचाई, सुंदरता, पर्यटन इत्यादि खातिर भी मनुष्य आर्टीफिशियल झील बना सके ला।

परिभाषा

कैस्पियन सागर या त दुनिया के सभसे बड़ झील हवे या फिर एकरा के अपने आप में सागर भी मानल जाला।टेम्पलेट:Efn

झील आ पोखरा-गड़ही में अंतर करे के कौनों इंटरनेशनल स्वीकार कइल पैमाना नइखे आ अकसर ई भरम के स्थिति बनल रहे ला। उदाहरण खातिर, लिम्नोलॉजी में सहज परिभाषा ई दिहल जाले की झील तलाब-पोखरा के बड़हन वर्जन होला जे अतना बड़ होखे कि ओह में लहर उठे आ किनारे पर अइसन लहर से कटाव हो सके। हालाँकि, एह परिभाषा से पोखरा-तलाब के पूरा तरीका से बाहर ना कइल जा सके ला काहें कि ई घटना पोखरा-तलाब में भी होला आ एकरा के नापजोख कइल बहुत मुश्किल काम बाटे। एही कारन कई बेर साइज के आधार पर झील के परिभाषा देवे के कोसिस कइल जाला। साइज के आधार पर टेम्पलेट:Convertटेम्पलेट:Rp से ले के टेम्पलेट:Convert तक के साइज के कम-से-कम साइज मानल जाला जेकरा से बड़ साइज वाला जलभंडार के झील कहल जा सके। इकोलाजी के संस्थापक बैज्ञानिक चार्ल्स एल्टन टेम्पलेट:Convert या एकरा से बड़ साइज के जलभंडार के झील मानें।

झील शब्द के इस्तेमाल अइसन निचाई वाला इलाका के भी कहल जा सके ला जे साल के ज्यादातर हिस्सा में सूखल रहे बाकी कुछ समय खातिर कौनों सीजन में एह में पानी भरा जात होखे। जैसे कि आयर झील। एही तरह से नाँव में भी काफी भरम के स्थिति रहे ला। अंग्रेजी में बहुत सारा झील सभ के परंपरागत नाँव में pond जुड़ल हो सके ला जबकि बहुत सारा तलाब सभ के नाँव में lake जुड़ल हो सके ला। एगो किताब में इहो देखावल गइल बा कि ई नाँव जगह अनुसार भी हो सके लें।टेम्पलेट:Efn भोजपुरी इलाका में "ताल" शब्द कई बेर तलाब खातिर इस्तेमाल होला कई जगह झील खातिर। एही तरे उत्तराखंड में नैनीताल, सात ताल, भीम ताल नियर सगरी जलभंडार सभ वास्तव में झील हवें बाकी इनहन के नाँव में "ताल" शब्द जुड़े ला।

एगो "हाइड्रोलॉजी" के किताब में नीचे दिहल पाँच गो पैमाना बतावल गइल बाड़ें जिनहन के आधार पर कौनों जलभंडार के "झील" मानल जा सके ला:

• निचाई वाला कौनों हिस्सा (बेसिन) या कई अइसन बेसिन सभ के जे आपस में जलजोड़ से जुड़ल होखे, पूरा या कुछ हद तक थिराइल पानी से भरत होखे
• एकरे हर हिस्सा में पानी के तल लगभग बरोबर होखे (अल्प समय में हवा बहे, पानी के बरफ में जमाव, या अचानक पानी के बेसी आगम के कारन एह में अलग-अलग हिस्सा में पानी के लेवल कुछ ऊपर-नीचे हो सके ला)
• समुंदरी पानी के कौनों लगातार (रेगुलर) आगम (इंट्रूजन) न होखत होखे
• पानी में लटकल गाद के मजिगर मात्रा झील के बेसिन में थिरा के बइठ जाला (एकरा खातिर शरत ई बा कि झील में पानी के आगम आ निकास के मात्रा झील के कुल पानी के तुलना में बहुत कम होखे)
• पानी के औसत तल के कौनों मनचाहल थ्रेशहोल्ड के आधार बना के नापल जाला।

समुंदरी पानी के आगम के पैमाना के अलावा, बाकी सब पैमाना के अन्य प्रकाशित जगह पर भी मान्यता दिहल गइल बाटे या फिर उनहन के बिस्तार से बतावल गइल बा।

प्रकार

पानी सप्लाई करे खाती बनावल एगो आर्टीफिशियल झील, दक्खिनी पोलैंड में।

1957 में हचिंसन नाँव के बिद्वान एगो मोनोग्राफ छपवलें जेह में झील सभ के प्रकार, उत्पत्ती आ आकारकी संबंधी लच्छन सभ अउरी झीलन के बिस्व बितरण के बिस्तार से बिबरन दिहल गइल। ई अबो एह क्षेत्र के एगो महत्व वाला काम मानल जाला आ एह में दिहल बर्गीकरण अनुसार झील सभ के 11 गो मुख्य प्रकार आ 76 गो उपप्रकार में बाँटल गइल बाटे। ई 11 ठे प्रकार बाड़ें: टेक्टॉनिक झील, ज्वालामुखी झील, भूस्खलन झील, ग्लेशियर झील, घुलन झील, जलबहाव झील (फ्लूवियल), हवानिर्मित झील, समुंद्रकिनारी झील, ऑर्गेनिक झील, मनुष्यनिर्मित झील आ उल्कापातीय झील।

कुछ प्रमुख झील

• सतह के रकबा अनुसार सभसे बड़ झील कैस्पियन सागर हवे भले एकरे नाँव में सागर लाग होखे, भूगोल में ई झील मानल जाला।एकर सतह के रकबा 143,000 बर्गमील/371,000 किमी² बाटे।
• दुसरी सभसे बड़ झील मिशिगन-ह्यूरन झील हवे जे हाइड्रोलॉजी के हिसाबन एकही झील हवे। एकर रकबा 45,300 बर्गमील/117,400 किमी² बाटे। जे लोग इनहना के अलग-अलग दू गो झील माने ला आ कैस्पियन सागर के सागर माने ला तब सभसे बड़ झील सुपीरियर झील हो जाले जेकर 82,100 किमी² (31,700 बर्गमील) रकबा बाटे।
• बैकाल झील सभसे गहिरी झील हवे जे साइबेरिया में बाटे आ एकर तली के गहिराई टेम्पलेट:Convert बा। औसत गहिराई के हिसाब से भी इहे झील सभसे गहिरी झील हवे (टेम्पलेट:Convert)। ई आयतन के हिसाब से दुनिया के सभसे बड़ मीठ पानी के झील हवे जेकर आयतन टेम्पलेट:Convert, (कैस्पियन सागर टेम्पलेट:Convert वाला खारा पानी के हवे), आ एक छोर से दुसरे छोर ले (लगभग टेम्पलेट:Convert) दुसरी सभसे लमहर झील हऽ।
• दुनिया के सभसे पुरान झील बैकाल झील हवे, एकरे बाद टैंगानिका झील दुसरी सभसे पुरान हवे जे अफिरका के तंजानिया में बाटे हालाँकि ई अब समुंद्र के साथे जुड़ल बाटे आ एही कारन एकरा के कुछ लोग झील ना माने ला बलुक एकरा के समुद्र के खाड़ी माने ला।
• सभसे लमहर झील टैंगानिका झीलहवे जवना के लंबाई लगभग टेम्पलेट:Convert (झील के सेंटर लाइन के सहारे नपले पर) बाटे।
  ई आयतन के हिसाब से तिसरी सभसे बड़, दुसरी सभसे पुरान झील आ बैकाल के बाद दुसरी सभसे गहिरी (टेम्पलेट:Convert) झील भी हवे।
• दुनिया के सभसे ऊँचाई पर मौजूद झील, अगर छोट साइज के दरकिनार क के एकरा के झील मान लिहल जाय, ओजोस डेल सालाडो ज्वालामुखी के क्रेटर झील हवे जे टेम्पलेट:Convert ऊँचाई पर मौजूद बाटे।
• सभसे ऊँचाई पर मौजूद (अगर टेम्पलेट:Convert के पैमाना झील खाती जरूरी मानल जाय) पुमोयांग त्सो (टेम्पलेट:Convert रकबा) तिब्बत में मौजूद झील बाटे जे 28-34N 90-24E पर समुंद्र तल से टेम्पलेट:Convert ऊँचाई पर बाटे।
• दुनियाँ के सभसे ऊँच बाणिज्यिक रूप से नाइ खेवे लायक झील दक्खिन अमेरिका महादीप में पेरू आ बोलिविया देस में मौजूद टिटिकाका झील हवे जे टेम्पलेट:Convert के ऊँचाई पर बाटे। ई दक्खिन अमेरिका के सभसे बड़हन झील हवे।
• दुनिया के सभसे कम ऊँचाई पर मौजूद झील जार्डन में मुर्दा सागर बा जे जार्डन, इजराइल आ फिलिस्तीन के सीमा पर बाटे। एकर ऊँचाई समुंद्र तल से टेम्पलेट:Convert निचे बाटे आ ई दुनिया के कुछ सभसे बेसी नमकीन झील सभ में से एक हवे।
• मिशिगन-ह्यूरन झील के सभसे लमहर झील किनारा हवे जेकर लंबाई टेम्पलेट:Convert बाटे जबकि एह में एकरी भीतर मौजूद छोट-मोट दीप सभ के किनारा शामिल नइखे। इनहन के अलग मानल जाय तब्बो ह्यूरन झील के किनारा सभसे लमहर होखी जे टेम्पलेट:Convert लंबाई वाला बा।
• कौनों झील में सभसे बड़ दीप मैनीटोउलिन दीप बा जे मिशिगन-ह्यूरन के बीचा में बाटे आ एकर सतह के रकबा टेम्पलेट:Convert बाटे। एकरे बीचा में एगो अउरी झील बाटे मैनीटोउ झील जे कौनों झील के बीच दीप पर सभसे बड़हन झील हवे।
• कौनों दीप पर सभसे बड़हन झील बैफिन दीप में नेटिलिंग झील बा जेकर रकबा टेम्पलेट:Convert आ अधिकतम लंबाई टेम्पलेट:Convert बाटे।
• वूलास्टन झील सभसे बड़ अइसन झील हवे जेकर दू दिसा में निकास-बहाव बाटे।
• सुमात्रा दीप पर मौजूद टोबा झील के धरती पर सभसे बड़हन काल्डेरा झील मानल जाला।
• पूरा तरीका से कौनों शहर के भीतर आवे वाली सभसे बड़हन झील वानापिटेई झील हवे जे कनाडा के ओंटेरियो प्रांत में ग्रेटर सैडबरी शहर में बाटे। एह शहर के वर्तमान सीमा 2001 में बढ़ावल गइल रहे आ एकरा से पहिले सडबरी के रैमसे झील अइसन सभसे बड़ झील रहल जे एकही शहर में होखे।
• अफिरका के डोमिनिकन रिपब्लिक में मौजूद एनरिक्विलो झील दुनिया के एकलौती अइसन झील बाटे जे खारा पानी के झील हवे आ एह में घड़ियाल (क्रोकोडाइल) निवास करे लें।
• बर्नार्ड झील कनाडा के ओंटेरियो में बाटे जेकरा के सभसे बड़ अइसन झील मानल जाला जेह में कौनों दीप न होखे।
• पूरा तरीका से कौनों एकही देस के सीमा में पड़े वाली सभसे बड़ झील मिशिगन झील हवे जे अमेरिका देस में पड़े ले; हालाँकि एकरा के मिशिगन-ह्यूरन झील के रूप में एकही मान लेवे पर अइसन ना रह जाला आ तब ई रेकार्ड कनाडा के उत्तर-पच्छिम प्रांत के ग्रेट बियर झील के हो जाला।
• झील के बिच में दीप पर सभसे बड़ झील फिलिपींस के लुजोन में मौजूद ताल झील नाँव के क्रेटर में मौजूद दीप पर बाटे।
• सभसे उत्तर में नाँव वाली झील ऊपरी डंबेल झील हवे जे कनाडा के नुनावुत इलाका में 82°28'N अक्षांश पर बाटे। ई झील अलर्ट नाँव के जगह के करीबन टेम्पलेट:Convert दक्खिन-पच्छिम में बा जे दुनिया के सभसे उत्तरी आबादी वाला जगह मानल जाला। एकरे उत्तर में भी कुछ झील बाड़ी स बाकी उनहना के कौनों नाँव णा बा आ बहुत डिटेल वाला नकशा पर उनहन के देखावल जाला।

महादीप अनुसार सभसे बड़

महादीप सभ में, झील के सतह के रकबा के हिसाब से सभसे बड़ झील सभ:

• ऑस्ट्रेलिया – आयर झील (नमकीन पानी)
• अफिरका – विक्टोरिया झील, धरती के तिसरी सभसे बड़ मीठ पानी के झील। ई अफिरका के ग्रेट-लेक्स में से एक हवे।
• अंटार्कटिका – वोस्टॉक झील (ग्लेशियर के नीचे)
• एशिया – बैकाल झील (अगर कैस्पियन सागर के झील न मानल जाय; हालाँकि झीलो मानल जाय तबो कैस्पियन सागर यूरोप आ एशिया के बीचा में बँटल बाटे)।
• ओशेनिया – आयर झील जब पानी से भरल होखे; ओशेनिया में परमानेंट (आ मीठ पानी) के सभसे बड़ झील टाउपो झील बाटे।
• यूरोप – लैडोगा झील, आ एकरे बाद ओनेगा झील, दुनों रूस के उत्तर-पच्छिमी हिस्सा में।
• उत्तर अमेरिका – मिशिगन-ह्यूरन झील, जे जलबिज्ञान के हिसाब से सिंगल झील हवे; हालाँकि ज्यादातर जगह ह्यूरन आ मिशिगन के अलग-अलग झील मानल जाला आ एह दसा में सुपीरियर झील सभसे बड़ गिनल जाले।
• दक्खिन अमेरिका' – टिटिकाका झील, जे सभसे ऊँचाई पर मौजूद (समुंद्र तल से टेम्पलेट:Convert ऊपर) अइसन झील बा जहाँ नाइ चल सके। मराकाइबो झील एकरा ले बड़ आ पुरान हवे बाकी अब कई कारन से एकरा के झील ना बलुक समुंद्र के खाड़ी के रूप में देखल जाला।