चनरगरहन

Error creating thumbnail: फाइल गायब बा

Totality during the lunar eclipse of 21 January 2019. Direct sunlight is being blocked by the Earth, and the only light reaching it is sunlight refracted by Earth's atmosphere, producing a reddish color.

चनरगरहन (संस्कृत: चंद्रग्रहण; अंग्रेजी: Lunar eclipse) एक तरह के गरहन हवे जे चंद्रमा, पृथ्वी आ सुरुज के एक सिधाई में आवे पर आ पृथ्वी के छाहीं में चंद्रमा के आ जाए पर लागे ला। अइसन पुर्नवासी के दिन होला, हालाँकि हर पुर्नवासी के गरहन ना लागे ला। कवना पुर्नवासी के चंद्रगरहन लागी ई निर्भर करे ला कि चंद्रमा के नोड सभ के स्थिति का बा, इनहने के भारतीय ज्योतिष में राहु-केतु के रूप में चिन्हित कइल जाला।

जब चंद्रमा पूरा तरीका से पृथ्वी के मुख्य छाहीं - अंब्रा, के अंदर आ जाला तब पूरा चनरगरहन लागे ला, यानी कुछ देर खाती चंद्रमा पूरा तरीका से पृथ्वी के छाहीं से तोपा जाला। एहू दसा में चंद्रमा पूरा गायब भा करिया ना हो जाला बलुक पृथ्वी के वायुमंडल से छितरा के जाए वाली कुछ रोशनी चंद्रमा के सतह पर पड़े ले, एकरे कारण चंद्रमा लाल रंग के लउके ला। एही कारण यूरोपीय देसन में एकरा के रेड मून या ब्लड मून भी कहल जाला।

31 जनवरी 2018 के रात में पूरा चंद्रग्रहण लागल एह दिन सुपरमून, ब्लू मून आ रेड मून, तीनों घटना एकही रात में देखे के मिलल। 19 नवंबर 2021 के लागे वाला गरहन 580 साल में सभसे लमहर समय के गरहन होखी आ एह तरीका से ई एह सदी के सभसे लमहर गरहन होखी।

इहो देखल जाय

• गरहन
• सुरुज गरहन
• रेड मून
• ब्लू मून
• सुपरमून
• पृथ्वी के छाहीं