ब्लू मून
ब्लू मून (अंगरेजी: Blue moon; अरथ: नीला चाँद) एगो खगोलीय घटना हवे जेह में कौनों एक सीजन में पड़े वाली चउथी पुर्नवासी के चनरमा (पूरा चनरमा), या फिर एकही (अंगरेजी) महीना में अगर दू बेर पुर्नवासी पड़े तब दुसरी पुर्नवासी के चनरमा के ई नाँव दिहल जाला। हालाँकि एकर चनरमा के रंग से कौनों मतलब ना बा आ वास्तव में एह दिन चनरमा नीला रंग के ना लउके ला।
जब महीना में दुसरी बेर पुर्नवासी होखे आ ओही दिन पूरा चनरगरहन भी लागे तब अइसन स्थिति में ब्लू मून आ रेड मून दूनों एक्के साथ होखे ला। अइसन 31 जनवरी 2018 के लागे वाला चनरगरहन में होखी।[१]