फ्रीडा पिंटो

टेम्पलेट:Infobox person फ्रीडा सेलेना पिंटो (जनम 18 अक्टूबर 1984) एक ठो भारतीय अभिनेत्री बाड़ी जे अबतकले मुख्य रूप से अमेरिकी आ ब्रिटिश फिलिम सभ में काम कइले बाड़ी। इनके जनम आ पालन-पोषण मुंबई में भइल आ बचपने में ई निश्चित कर लिहली कि उनके ऐक्ट्रेस बने के बाटे। बिद्यार्थी जीवन में मुंबई के सेंट ज़ेवियर्स कॉलेज में ऊ नाटकन में हिस्सा लें। ग्रेजुएशन के पढ़ाई के बाद कुछ दिन ले मॉडल के काम कइली आ ओकरे बाद टीवी प्रस्तुतकर्ता बन गइली।

पिंटो के पहिचान मिलल ब्रिटिश फिलिम स्लमडॉग मिलियनेयर (2008) से, जे इनकर पहिली फिलिम रहल। एह फिलिम में ऊ लतिका के रोल में रहली आ एह फिलिम में उनके काम के बहुत तारीफ भी मिलल। एह फिलिम में काम खातिर, पाम स्प्रिंग इंटरनेशनल फिलिम फेस्टिवल में इनके ब्रेकथ्रू परफौरमेंस अवार्ड मिलल आ ब्रिटिश एकेडमी फिल्म अवार्ड के भी कई ठे श्रेणिन में इनकर नामांकन भइल। एकरे अलावा, इनकर नामांकन ऍमटीवी मूवी अवार्ड्स आ टीन च्वाइस अवार्ड्स खातिर भी भइल। एह फिलिम के बाद पिंटो कई ठे अमेरिकी आ ब्रिटिश प्रोडक्शन में बनल फिलिम सभ में लउकली, जवना में ई कई बेर टेम्पलेट:Abbr के रोल में भी रहली। पिंटो के सभसे बड़ सफलता मिलल साइंस फिक्शन फिलिम राइज ऑफ दि प्लैनेट ऑफ एप्स (2011) से। एकरा बाद, पिंटो के ब्यापक पहिचान मिलल जब ऊ माइकल विंटरबॉटम के फिलिम तृष्णा (2011) में टाइटिल कैरेक्टर के रोल कइली। अगिली फिलिम डेजर्ट डांसर (2014) में इनके परफारमेंस के समालोचक लोग भी सराहल।

हालाँकि, बिदेसी फिलिम सभ में भारतीय नारी के रूढ़ पहिचान तूरे खातिर भारतीय मीडिया पिंटो के तारीफ कइलस बाकिर अभिन ले भारतीय सिनेमा में उनके एह हिसाब से कम पहिचान मिलल बाटे। अपना फिलिम कैरियर के आलावा ऊ नारी सशक्तीकरण खातिर आवाज उठावे आ अन्य मानवतावादी मुद्दा सभ के परमोशन से भी जुड़ल बाड़ी।

सुरुआती जीवन आ पृष्ठभूमि

फ्रीडा के जनम 18 अक्टूबर 1984 के बंबई (अब मुंबई) में, एक ठो मंगलोरी कैथोलिक परिवार में भइल,टेम्पलेट:Efn आ उनुके परिवार गोवा के पुर्तगाली कॉलोनी से निकलल समुदाय के हिस्सा हवे। उनुके महतारी सिल्विया पिंटो मुंबई के गोरेगाँव में सेंट जॉन्स युनिवर्सल स्कूल में प्रेंसपल रहली, आ पिताजी, फ्रेडरिक पिंटो, बैंक ऑफ बड़ौदा में सीनियर ब्रांच मैनेजर रहलें। उनुके बड़ बहिन, शेरॉन, एनडीटीवी में काम करे ली।

सेंट ज़ेवियर्स कॉलेज, मुंबई, जहाँ से पिंटो आपन ग्रेजुएशन के पढ़ाई कइली आ छोट नाटक सभ में हिस्सा लिहली।

पिंटो के परवरिश मलाड में एक ठो मध्यवर्गीय परिवेश में भइल। ऊ जब पाँच बरिस के रहली तब पहिली बेर ऐक्ट्रेस बने के इच्छा जाहिर कइली, आ अकसरहा टीवी देख के कलाकारन के नकल उतारें। बाद में ऊ इयाद करे ली कि उ 1994 में सुष्मिता सेन के मिस यूनिवर्स के खिताब जीते से परभावित भइली, आ बतवेली कि "पूरा देस के उनुपर नाज रहल, हमहूँ ओही में से इक रहलीं, एक दिन हमहूँ अइसने कुछ कइल चहलीं"। पिंटो सुरुआत में मलाड के कार्मेल ऑफ सेंट जोसेफ़ स्कूल में पढ़ली, आ बाद में सेंट ज़ेवियर्स कॉलेज में। उनुके ग्रेजुएशन के मुख्य बिसय अंगरेजी साहित्य रहल, आ साथ में मनोबिज्ञान आ अर्थशास्त्र। कॉलेज के जमाना में, ऊ छोटमोट नौसिखुआ थियेटर सभ में हिस्सा लिहली, बाकी मॉडलिंग आ एक्टिंग से 2005 में ग्रेजुएशन पूरा करे ले परहेज कइली।

सुरुआते से एक्टिंग के रूचि रहले के बावजूद, पिंटो अपना कैरियर खातिर रस्ता चुने में भरम में रहली जबले कि ऊ कॉलेज के समय में मॉन्स्टर (2003) ना देखली। ऊ बतावेली कि: "हमके बुझाला कि जब हम मॉन्स्टर देखलीं ... तबे हम नीक से बुझलीं। हमरा के एगो रास्ता चुने के पड़ी। हमके कुछ अइसने करके पड़ी, कुछ अइसन जे पुरा तौर पर सबकुछ बदल देवे वाला होखे।" 2005 में पिंटो मॉडलिंग कैरियर के सुरुआत कइली आ एलीट मॉडल मैनेजमेंट ज्वाइन कइली, आ अढ़ाई साल ले एह संस्था के साथे काम कइली। ऊ कई ठे टीवी बिग्यापन सभ में लउकली जिनहन में ऊ रिंगले के चिलगम, स्कोडा, वोडाफोन, एयरटेल, वीजा, ईबे, आ डि बीयर्स के परचार कइली।

लगभग ओही समय, पिंटो टेलीविजन शो आ फिलिम खातिर ऑडिशन देवे सुरू कइली। उनके जी टीवी इंटरनेशनल के एक ठो यात्रा आधारित शो फुल सर्किल, होस्ट करे खातिर चुन लिहल गइल आ ई प्रोग्राम 2006 से 2008 ले प्रसारित भइल। एह शो के दौरान उनुके कई देस के यात्रा करे के मोका मिलल जेह में अफगानिस्तान, फिजी, मलेशिया, सिंगापुर आ थाईलैंड सामिल बाड़ें। एकरे बाद उनके कई ठो बॉलिवुड आ हॉलिवुड के फिलिम सब खातिर ऑडिशन देवे के मोका मिलल जेह में क्वांटम ऑफ सोलेस में बौंड के हिरोइन बने खातिर ऑडिशन भी सामिल रहल, हालाँकि, एम्मे उनके बिफलते मिलल। पिंटो बाद में ई दावा करे ली कि ऊ एक ठो निम्मन अनुभव रहल जेह में उनुके बहुत कुछ सीखे के मिलल, आ कहेली कि "(हम) खुस बाड़ीं कि जवन भी, जइसे भी भइल। हमरा के रिजेक्टो होखल जरूरी रहल, आ हमके ई सीखे क जरूरत रहल कि ई सगरी एह गेम के हिस्सा हवे... हम 100 बेर रिजेक्ट हो सकत रहलीं, लेकिन हम निश्चित रहलीं कि [कम से कम] एक चीज जरूर अइसन होखी जे हमरा के मिले खातिर निश्चित होखी।"

एक्टिंग कैरियर

सुरुआत आ सुरुआती सफलता (2008-10)

स्लमडॉग के टीम के साथ पिंटो, 2008 के टोरंटो फिलिम फेस्टिवल में एह फिलिम के स्कीनिंग के समय

2007 में, पिंटो के मॉडलिंग एजेंसी, इनके आ अउरी छ गो मॉडल लोग के डैनी बॉयल के फिलिम स्लमडॉग मिलियनायर (2008) में हिरोइन के लीड रोल खातिर बीछलस, एह फिलिम के कास्टिंग डाइरेक्टर के अनुरोध के बाद। छ महीना के ब्यापक ऑडिशन से गुजरे के बाद, पिंटो के "लतिका", जे मुख्य किरदार "जमाल" (देव पटेल द्वारा रोल कइल गइल) के चाहत के रूप में फिलिम में देखावल एक ठो लड़की रहल, के रोल हासिल भइल। प्रोडक्शन-बाद के दौर में, पिंटो मुंबई में बेरी जॉन किहाँ एक्टिंग सीखे के एक ठो कोर्स कइली। हालाँकि, एह कोर्स के दौरान उनके एक्टिंग के "तकनीकी पहलू" सीखे के मिलल, ऊ बतवली की "वास्तविक अनुभाव के मामिला में देखल जाय त, सीधे जा के रोल के निभावले नियर कौनों चीज नइखे... एही से जहाँ तक हमार बात बा, हमार पसंदीदा एक्टिंग इस्कूल डैनी बॉयल के संघे बितावल छ महीना के ऑडिशन के समय रहल"। एकरा कहानी आ साउंडट्रैक के नजरिया से स्लमडॉग मिलियनायर के महत्त्व रहल आ ई एक ठो स्लीपर हिट रहल; $15 मिलियन के बजट में बनल ई फिलिम दुनियाभर में टेम्पलेट:US$ के कमाई कइलस। 81वां एकेडमी अवार्ड्स में ई सबसे सफल फिलिम रहल जहाँ ई दस गो श्रेणिन में एकर नामांकित भइल आ एह में से आठ गो पुरस्कार जीत लिहलस, जवना में बेस्ट पिक्चर के अवार्ड भी शामिल रहल। पिंटो के पाम स्प्रिंग्स अंतर्राष्ट्रीय फिलिम फेस्टिवल में "ब्रेकथ्रू परफार्मेंस" के पुरस्कार मिलल, आ फिलिम के सहजोगी कलाकार लोग के साथ इनके कौनों मोशन पिक्चर में आउटस्टैंडिंग परफार्मेंस के स्क्रीन एक्टर्स गिल्ड अवार्ड मिलल। इनके बेस्ट सपोर्टिंग ऐक्ट्रेस के बाफ्टा अवार्ड खातिर भी नामांकन भइल। पिंटो के फिलिम में परफार्मेंस, आलोचक लोग के कम धियान खींच पवलस काहें से की फिलिम में इनके परदा पर उपस्थिती सीमित मात्रा में रहल। दि टेलिग्राफ (कलकत्ता) के राय में इनके किरदार पर "कौनों राय बनावल मुश्किल रहल"; एक ठो अउरी कॉलम लिखे वाली लेखिका भारती ऍस॰ प्रधान नोट कइली "स्लमडॉग मिलियनायर फ्रीडा के अभिनय क्षमता के कौनों परिच्छा ना रहल।"

पिंटो (बायें) आ रुला जेब्रियल मिराल के स्क्रीनिंग में, 18वाँ हैम्पटन्स इंटरनेशनल फिलिम फेस्टिवल में, अक्टूबर 2010

स्लमडॉग मिलियनायर के सफलता के बाद पिंटो दू गो आर्ट हाउस प्रोडक्शन साइन कइली। वूडी एलेन के कॉमेडी-ड्रामा यू विल मीट अ टाल डार्क स्ट्रेंजर (2010), में ऊ एंटोनियो बोंदेरास, जोश ब्रोलिन, एंथनी हॉपकिंस, अनुपम खेर आ नाओमी वाट्स के संघे काम कइली पिंटो एह फिलिम में एक ठो "रहस्यमय औरत" के किरदार निभवली जे फिलिम में ब्रोलिन द्वारा खेलल गइल किरदार के धियान खींचे वाली औरत के रहल। ए फिलिम के 2010 कान फिलिम फेस्टिवल में प्रीमियर भइल आ रिलीज के बाद ई मिललजुलल समीक्षा पवलस। एकरा बाद पिंटो जुलियन श्नाबेल के फिलिम मिराल (2010) में काम कइली जवन की रुला जेब्रियल के आत्मकथात्मक उपन्यास पर बनल फिलिम रहल, एक ठो फिलिस्तीनी औरत के कहानी, जे इजराइल में अनाथ के रूप में रिफ्यूजी कैम्प में बड़ भइल रहल। फिलिम के फिलिस्तीनी इलाका में प्रोडक्शन सुरू होखे के पहिले, एह इलाका की कई ठे रिफ्यूजी कैम्पन में जा के पिंटो अपना रोल के तइयारी कइली। पिंटो के कहनाम रहल की ऊ एह किरदार के भइल अनुभव से अपना के जोड़ के देख सकत रहली काहें की उनके अपना रिश्तेदार लोग के चालीस के दसक के दौरान भारत बिभाजन के समय भइल अनुभव के जानकारी रहल। फिलिम के ज्यादातर नकारात्मक समीक्षा मिलल, आ पिंटो के परफार्मेंस के बारे में समालोचक लोग के राय एकमत ना रहल: दि इंडिपेंडेंट के ज्योफ्री मैकनैब की "मिरालटेम्पलेट:Nbsp... पिंटो द्वारा बहुत डूब के निभावल गइल", जबकी दी गार्जियन के पीटर ब्रैडशॉ कहलें की "[पिंटो] असहज आ टेम्पलेट:Abbr लउकली"।

2011-वर्तमान

2011 में पिंटो के चार गो फिलिम रिलीज भइल। पहिली एक ठो साइंस फिक्शन फिलिम, राइज ऑफ दि प्लैनेट ऑफ द एप्स रहल जे प्लैनेट ऑफ द एप्स सीरीज के रिबूट फिलिम रहल। एह फिलिम में ऊ कैरोलिन अरान्हा नाँव के एक ठो टेम्पलेट:Abbr के किरदार निभवली, जे जेम्स फ्रांको द्वारा निभावल मुख्य किरदार के प्रेम में पड़ गइल रहल। अपना रोल के तइयारी ऊ जेन गुडाल नाँव के अंगरेज मानवबिज्ञानी के कैरियर पर रिसर्च कइली। फिलिम के दुनिया भर में कुल कमाई टेम्पलेट:US$ मिलियन रहल; अप्रैल 2016 तक ले ई फिलिम पिंटो के सभसे ढेर कमाई करे वाली फिलिम बा। पिंटो के किरदार के बहुत ढेर एक दिसात्मक होखले खातिर आलोचना भइल: इंडिपेंडेंट के एंथनी क्विन्न एकरा के फेलियर कहलें, आ दि हॉलीवुड रिपोर्टर के टॉड मैककार्टी एह किरदार के "परदा पर सालन बाद लउके वाली अइसन बोर करे के हद तक सजावटी गर्लफ्रेंड" के रूप में बर्णन कइलें। माइकल विंटरबॉटम के तृष्णा में फ्रीडा एह साल में दुसरा बेर परदा पर लउकली। ई फिलिम थॉमस हार्डी के उपन्यास टेस ऑफ दि ड्यूबरविले पर आधारित रहल आ पिंटो एह में एक ठो राजस्थानी किसान के लड़की के रोल कइली जे एगो ब्रिटिश-पैदाइश वाला भारतीय होटल ब्यव्सायी, जेकर रोल रिज अहमद कइलें, के इहाँ काम करे खातिर आपन घरबार छोड़ देले। एह फिलिम के प्रीमियर 2011 के टोरंटो इंटरनेशनल फिलिम फेस्टिवल में भइल आ समालोचक लोग के बीच एह पर मिलल-जुलल प्रतिक्रिया रहल। इंडिया टुडे के निशांत बारी, पिंटो के खातिर एह रोल के तबतक ले के "सभसे महत्वपूर्ण" रोल बतवलें। दि गार्जियन के फिलिप फ्रेंच कहलें की पिंटो एह लीड रोल में "बाँध लेवे वाला" काम कइली, जबकि शिकागो सन-टाइम्स के रोजर एबर्ट उनके रोल के "तकनीकी तौर पर सुंदर" बतवलें। एकरे बिपरीत, दि न्यू यॉर्क टाइम्स के मैन्होला दार्गिस पिंटो के बारे में लिखलें की "[ऊ फिलिम के] एक ठो सबसे खूबसूरत आकर्षण [रहली] बाकी ऊ आ उनके डाइरेक्टर तृष्णा के धड़कन देवे में सफल ना भइल लोग"।

2012 के कान फिलिम फेस्टिवल में

2011 में पिंटो के तीसरा रोल राजकुमारी लीला के रहल, एक ठो कम पहिचान पावे वाली फिलिम डे ऑफ दि फाल्कन,टेम्पलेट:Efn 1930 के दशक के मध्य पूर्व के परिवेश में स्थापित सामयिक ड्रामा रहल आ एह में पिंटो के एंटोनियो बरबस, मार्क स्ट्रांग आ लिया केबेड से साथ लिहल गइल रहल। लगभग हर तरफ से नकारात्मक समीक्षा के बावजूद , दि न्यूयॉर्क टाइम्स के एंडी वेबस्टर पिंटो आ केबेड के "रिफ्रेशिंग" बतवलें आ "दमघोंटू पुरुष-प्रभावशाली माहौल के बीच में [इनहन लोग के स्वतंत्र] मौजूदगी के तारीफ़ कइलें"। पिंटो के परदा पर एह साल के अंतिम मौजूदगी रहल फैंटेसी-एक्शन फिलिम इम्मोर्टल्स, जवना में ऊ ऑरेकल पुजारिन फीड्रा के रोल कइली। समीक्षक लोग के बीच मिलजुल-से-सकारात्मक समीक्षा पावे, के बावजूद फिलिम कुल टेम्पलेट:US$ के कमाई दुनिया भर में कइलस। दि हॉलीवुड रिपोर्टर खातिर लिखत समय टॉड मैककार्टी लिखने की फीड्रा के किरदार के पिंटो द्वारा "सक्षमता से मूर्तिमान" कइल गइल।

2011 के बाद दू साल ले पिंटो के कवनों फिलिम ना आइल। 2013 में, ऊ ब्रूनों मार्स के म्यूजिक वीडियो "गोरिल्ला" में लउकली। भारतीय मीडिया उनके म्यूजिक वीडियो में एक्टिंग करे के आलोचना कइलस; दि टाइम्स ऑफ इंडिया आ हिंदुस्तान टाइम्स एकरा के तुच्छ नचनिया के रोल नियर बता के एकर निंदा कइलें। एही साल, पिंटो गर्ल राइजिंग नाँव के डाकुमेंटरी फिलिम में कथाबाचक (नैरेटर) रहली, जेकरा के दुनिया भर में लड़िकिन के शिक्षा खातिर गर्ल राइजिंग नाँव के कैम्पेन खातिर बनावल गइल रहल।

एह दू साल के गैप के बाद सिनेमा के परदा पर पिंटो के हाजिरी भइल एक ठो जीवनी आधारित ड्रामा डेजर्ट डांसर (2014) में जवन की ईरानी कोरियोग्राफर अफ़शीं ग़फ़ारियाँ के जीवन कथा के बारे में रहल। रीस रिची द्वारा अभिनीत हीरो के किरदार के प्रेमिका, एलियाह नाँव के लड़की, के रोल पिंटो कइली, जे एक ठो हिरोइन के नसाखोर रहल। ए रोल के जरूरत के मोताबिक पिंटो के लगातार चउदह हप्ता ले आठ घंटा रोज नाच सीखे के ट्रेनिंग करे के पड़ल। ऊ युनाइटेड स्टेट्स के कुछ नशा छोड़ावे वाला सेंटर सभ के भी दौरा कइली जवना से ऊ अपना रोल के पूरा नीक से तइयार क सकें। एकरा के ज्यादातर नकारात्मक समीक्षा मिलल, हालाँकि, दि न्यू यॉर्क टाइम्स की एंडी वेबस्टर ई जरूर नोट कइलें की "पिंटो, बिना फोकस आ बिना लिखल रोल के बावजूद, ध्यानखींचे लायक रहली"।

2015 में पिंटो क पहिली फिलिम टेरेंस मलिक के नाइट ऑफ़ कप्स नाँव के एक ठो प्रायोगिक फिलिम रहल जेह में क्रिश्चियन बेल, केट ब्लैंचेट, नटाली पोर्टमैंन आ एंटोनियो बांदेरस के लिहल गइल रहल। ऊ हेलेन नाँव के एक ठो मॉडल के रोल कइली जेकरा साथे फिलिम में बेल कुछ समय खातिर "चलताऊ रिश्ता" रखे लें। बिना स्क्रिप्ट के एक्टिंग करे के बारे में पिंटो बतवली: "पहिला दिने ई जरूर दिमाग के नस झकझोर देवे वाला तनाव वाला होला काहें की आपके मालुम ना होला कि आप का करे जा रहल बानी। बाकी एक बेर जब आपके बुझा जाला एकरा बाद एकर [बिना स्क्रिप्ट के एक्टिंग करे के] कौनों [खास] मतलब ना रह जाला। हकीकत में ई बहुत रिलैक्स करे वाला होला। ई आजादी देवे वाला आ खेलवाड़ नियर होला। ई अइसन अनुभव होला जेकरा के हम पूरा तरीका से अंकार कइलीं"। 65वाँ बर्लिन इंटरनेशनल फिलिम फेस्टिवल के प्रतियोगिता खंड में प्रीमियर करे के साथ फिलिम के समालोचक लोग से मिलजुल प्रतिक्रिया आ समीक्षा मिलल। मार्च 2016 में फिलिम रिलीज भइल। पिंटो, यूनिटी फिलिम के 100 गो नैरेटर लोग में से एक रहली, जवन की एक ठो डाकुमेंटरी फिलिम रहल जे पृथ्वी पर बिबिध जिया-जंतु के प्रजाति सभ के आपसी रिश्ता के उजागर करे खातिर बनावल गइल रहल। इनके एही साल रिलीज होखे वाली तिसरकी फिलिम, कोलंबियाई एक्शन-ड्रामा फिलिम, ब्लंट फ़ोर्स ट्रॉमा रहल जेवना में ऊ रायन क्वांटन आ मिकी रोरके के सोझा काम कइली आ एगो अइसन औरत के रोल कइली जे अपने भाई के मर्डर के पड़ताल करत रहल।दि हॉलीवुड रिपोर्टर के जॉन डिफोर फिलिम के आलोचना ई कह के कइलें कि "ई अपना के ओसे ढेर सीरियसली लेत बा जेतना कि एकरा के दर्शक लोग लेई"। टेम्पलेट:As of, पिंटो, एंडी सेर्किस के जंगल बुक में काम क रहल बाड़ी जेवन की रुडयार्ड किपलिंग के दि जंगल बुक के पिक्चर रूपांतरण बा। पिंटो मोगली के गोद लेवे वाली महतारी मेसुआ के रोल कर रहल बाड़ी

व्यक्तिगत जीवन

2008 टोरंटो इंटरनेशनल फिलिम फेस्टिवल में पिंटो आ देव पटेल

फिलिम कैरियर सुरू होखे से पहिले, पिंटो के सगाई रोहन एंटाओ से भइल रहल, जे एक समय में उनके पब्लिकिस्ट रहलें। पिंटो जनवरी में ई रिश्ता खत्म करि के स्लमडॉग मिलियनेयर वाला साथी कलाकार देव पटेल के साथे डेटिंग करे लगली। लगभग छह साल के संबंध के बाद ई जोड़ी दिसंबर 2014 मे अचानक अलग हो गइल। "स्लमडॉग मिलियनेयर" के सफलता के बाद पिंटो के कौनों स्थाई अस्थान ना रहि गइल आ ऊ आपन समय मुंबई, लंदन आ लॉस एंजेलिस के बीच बाँट दिहली, 2015 मे यूऍसए टुडे के दिहल इंटरभ्यू मे, ऊ ई कहली कि अब ऊ लॉस एंजेलिस में रहे ली।

अपना एक्टिंग कैरियर के साथे-साथ, पिंटो, सक्रिय रूप से कई ठे [[मानवतावाद|मानवतावादी मुद्दा सब मे इन्वाल्व बाड़ी आ औरतन आ सुबिधाहीन लड़िका-बच्चा सभ बदे आवाज उठावत बाड़ी। एह संबंध में ऊ एंजेलिना जौली आ मलाला यूसुफजई के आपन "बड़हन" प्रेरणास्रोत बतावे ली। 2010 मे, पिंटो, आंद्रे अगासी आ स्टेफी ग्राफ के साथ जुड़ली उनहन लोग के मानवप्रेमी संस्था, अगासी फ़ौंडेशन के सपोर्ट में। ऊ सुबिधाहीन लड़िकन खातिर शिक्षा के लक्ष्य ले के आयोजित "15वाँ ग्रैंड स्लैम फॉर चिल्ड्रेन" के सालाना फंड जुटावेवाली के तौर पर $75,000 जुटवली। दू साल बाद, ऊ प्लान इंटरनेशनल के बिकॉज आइ ऍम अ गर्ल के बैस्विक दूत नियुक्त भइली, जे लाखन लड़िकिन के गरीबी से ऊपर उठा के लैंगिक समानता के आगे बढ़ावे खातिर काम करे वाली कैम्पेन हवे।

2013 मे, पिंटो, शिक्षा, सेहत आ न्याय नियर महिला संबंधी मुद्दा सब खातिर फंड जुटावे आ जागरूकता फइलावे खातिर चलावल, गूशी के "चाइम फॉर चेंज" कैम्पेन खातिर बनल बीडियो क्लिप में लउकली। एकरे अगिला साल, ऊ लंदन में आयोजित "लड़िकिन के अधिकार सम्मलेन" में हिस्सा लिहली आ महिला खतना आ बाल बिबाह जइसन मुद्दा सभ पर अउरी प्रगति करे खातिर गोहरवली। मार्च 2015 मे, पिंटो, लेस्ली उडविन के 2012 दिल्ली गैंग रेप पर बनल डाकुमेंटरी, इंडियाज डॉटर, के भारत सरकार द्वारा प्रतिबंधित करे के खिलाफ बोलली। यूनाइटेड स्टेट्स में एकरे प्रीमियर के दौरान, ऊ कहली कि ई फिलिम के लोग ले पहुँचे के जरूरत बाटे काहें से कि ई कौनों "शर्मनाक-भारत डाकुमेंटरी" नइखे। 2015 के एक इंटरव्यू में ऊ कहली: "ई फिलिम कौनों ओर से भी, समस्या के सोझुरावे खातिर हिंसा के सहारा के बिचार नइखे फइलावत। वास्तव में, हमनी के जेवन कहत बानी जा ऊ ई बा कि, हमनी के हमेशा इ सभसे सभ्य संभव तरीका से कइल जाय।"

फरवरी 2016 मे, पिंटो ई घोषणा कइली कि ऊ एक ठो एनजीओ "वी दू इट टुगेदर" के हिस्सा बनिहें, आ ई संस्था नारी सशक्तिकरण पर केंद्रित फीचर फिलिम, डाकुमेंटरी आ टेलीविजन शो सभ खातिर फाइनेंस उपलब्ध करावेले।

मिडिया इमेज

हालाँकि, पिंटो स्लमडॉग मिलियनेयर में एक ठो छोटहने रोल कइली, फिलिम में उनके काम के भरपूर पहिचान मिलल। मीडिया में उनके रोल आ कमाई के बारे में कइयन बेर अनुमान लगावल गइल। मार्च 2009 में, टेम्पलेट:Abbr फ्रीडा के सभसे ढेर पेमेंट वाली भारतीय फिलिम एक्ट्रेस के रूप में रिपोट कइलस, हालाँकि, ऊ एह समय तक कौनों भी बॉलीवुड फिलिम में ना लउकल रहली। सीएनएन-आइबीएन उनके "पच्छिम में भारत के बेस्ट एक्सपर्ट" के रूप में बतवलस, जबकि दि टेलीग्राफ (कलकत्ता) इनके भारत से निकलल सभसे बड़ ग्लोबल स्टार बतवलस।

गर्ल राइजिंग के परमोशन कार्यक्रम में पिंटो

पिंटो कई बेर कई ठे पत्रिका सभ द्वारा आयोजित टेम्पलेट:Abbr में शामिल भइल बाड़ी। साल 2009 में, टेम्पलेट:Abbr के लिस्ट में —"दुनिया के सबसे सुंदर लोग" आ "दुनिया के सबसे बेस्ट पहिनावा वाली औरत" के श्रेणी में पिंटो के जगह मिलल। ओही साल, पिंटो टेम्पलेट:Abbr के "टॉप टेन सभसे स्टाइलिस्ट औरत" के लिस्ट में शामिल रहली। 2011 में, लॉस एंजेलिस टाइम्स मैगजीन के तइयार कइल लिस्ट "फिलिम जगत के 50 सभसे खूबसूरत औरत" में सामिल होखे वालिन में पिंटो अकेल भारतीय रहली। अगिला बरिस, पीपल पत्रिका इनके "हर उमिर में सभसे खूबसूरत" लोग में शामिल कइलस। उनके टेम्पलेट:Abbr के तइयार कइल पोल आधारित लिस्ट "टॉप 99 सभसे ढेर चाहल जाए वाली औरत" में 2010 से 2012 ले लगातार सामिल कइल गइल।

2009 में, टेम्पलेट:Abbr पैरिस खातिर प्रवक्ता बनावल गइली। दुइ साल बाद, जब ऊ लोरियाल के एक ठो उत्पाद के परचार में लउकली, एक ठो बिबाद हो गइल; ई जाहिर भइल कि पिंटो के मेकप या एडिटिंग के इस्तमाल से ढेर गोर देखावल गइल बा। कंपनी एह बात से इनकार कइलस कि पिंटो के फोटो टेम्पलेट:Abbr कइल गइल रहल।

हॉलीवुड के ई पापुलर एक्ट्रेस भारत में बहुत कम जानल जाये वाली कलाकार बाड़ी; समालोचक आ बिस्लेशक लोग एह बात के कारण स्लमडॉग मिलियनेयर के एह देस में बिफलता के बतावे ला। भारतीय समाजशास्त्री आशीष नंदी के कहनाम बा कि: "ऊ हमरा पेरिस्कोप के पकड़ में ना आवेली", जबकि पत्रकार ख़ालिद महमूद कहलें: "ऊ मुंबई में कौनों बिसेस [महत्व के बिसय] ना बाड़ी।" भारतीय मीडिया उनके अंगरेजी आ हिंदी बोले में भटभटाये वाला लहजा के आलोचना कइल आ उनके बॉलीवुड में रोल ना मिले खातिर उनके सँवार होखला के मानल। एह आलोचना सभ के बावजूद, पिंटो के एह बात के श्रेय दिहल गइल बाटे की उनके ऊपर हॉलीवुड में भारतीय के एक्टिंग करे के ठप्पा नइखे लागल, काहें से कि ऊ कई राष्ट्रीयता के लोग के किरदार निभा चुकल बाड़ी। हिंदुस्तान टाइम्स के दिहल एक ठो 2012 के इंटरभ्यू में पिंटो बतवली कि ऊ जानबूझ के अइसन रोल से बचे ली जेकरा कारन कौनों एक तरह के ठप्पा लग जाए के खतरा होखे।

फ्रीडा पिंटो "हॉलीवुड के बड़हन बजट वाली ब्लॉकबस्टर" के साथे-साथ "स्मार्ट किसिम के स्वतंत्र फिलिम" सभ में काम करि के आपन कैरियर के बैलेंस कइले रहेली। हॉलीवुड में उनके परफार्मेंस के बारे में पुछले पर उनके जबाब रहल: "हम बस एक ठो कलाकार बनल चाहत रहलीं। एक ठो कलाकार के रूप में, आपके कौनों एक ठो संस्कृति या जातीयता से अपना के सीमित करे के जरूरत नइखे। हम आपन बाँह हर जगह फइलावल चाहत बानी आ हम दुनिया के कौनों भी हिस्सा में फिलिम करे के मोका मिलले पर काम करे खातिर तइयार बानी।"

फिल्मोग्राफी

फिलिम

कुंजी

टेम्पलेट:Dagger

आगे आवे वाली फिलिम

साल	टाइटिल	रोल	डाइरेक्टर	नोट
2008	स्लमडॉग मिलियनेयर	लतिका	डैनी बॉयल
2010	यू विल मीट अ टाल डार्क स्ट्रेंजर	दिया	वूडी एलेन
2010	मिराल	मिराल	जुलियन श्नाबेल
2011	राइज ऑफ़ दी प्लैनेट ऑफ़ एप्स	कैरोलिन अरान्हा	रूपर्ट वाइट
2011	तृष्णा	तृष्णा	माइकल विंटरबॉटम
2011	डे ऑफ डी फाल्कनटेम्पलेट:Efn	प्रिंसेस लेल्या	जीन-जैकस अनौद
2011	इम्मोर्टल्स	फीड्रा	तरसेम सिंह
2013	गर्ल राइजिंग	वाचक (नैरेटर)	रिचार्ड ई॰ रॉबिंस	डाकुमेंटरी
2014	डेजर्ट डांसर	इलाहे	रिचार्ड रेमंड
2015	नाइट ऑफ कप्स	हेलेन	टेरेंस मलिक
2015	यूनिटी	वाचक (नैरेटर)	शौन मौंसन	डाकुमेंटरी
2015	ब्लंट फोर्स ट्रॉमा	कोल्ट	केन सांजेल
2017	यामसौंग: मार्च ऑफ दि हालोज टेम्पलेट:Dagger	गीता	साम कोजी हेल	वॉइसओवर एनीमेशन फिलिम पोस्ट प्रोडक्शन
2018	जंगल बुक टेम्पलेट:Dagger	मेसुआ	एंडी सार्किस	पोस्ट-प्रोडक्शन
घोषणा बाकी	लव सोनिया टेम्पलेट:Dagger	रश्मि	तबरेज नूरानी	फिल्मांकन चालू

म्यूजिक आ बीडियो में

साल	शो	परफॉर्मर(लोग)	एल्बम
2013	"गोरिल्ला"	ब्रूनो मार्स	अनऑर्थोडॉक्स ज्यूकबॉक्स

टेलीविजन

साल	शो	रोल	चैनल	नोट
2006	फुल सर्किल	होस्ट	जी इंटरनेशनल एशिया पैसेफिक	टाक शो
2015	दि माइंडी प्रोजेक्ट	खुद	हुलु	गेस्ट स्टार

अवार्ड आ नॉमिनेशन

साल	अवार्ड	श्रेणी	काम	परिणाम	संदर्भ
2009	बाफ्टा अवार्ड्स	बेस्ट सपोर्टिंग ऐक्ट्रेस	स्लमडॉग मिलियनेयर	टेम्पलेट:Nom
	ब्लैक रील अवार्ड्स	बेस्ट एंसेम्बल		टेम्पलेट:Nom
	सेंट्रल ओहायो फिलिम आलोचक एसोसिएशन	बेस्ट एंसेम्बल		टेम्पलेट:Nom
	ऍमटीवी मूवी अवार्ड्स	बेस्ट ब्रेकथ्रू परफौरमेंस		टेम्पलेट:Nom
	ऍमटीवी मूवी अवार्ड्स	बेस्ट किस (देव पटेल के साथ शेयर में)		टेम्पलेट:Nom
	पाम स्प्रिंग्स इंटर्नेशनल फिलिम अवार्ड्स	ब्रेकथ्रू परफौरमेंस अवार्ड		टेम्पलेट:Won
	स्क्रीन एक्टर्स गिल्ड अवार्ड्स	कौनों मोशन पिक्चर में पात्र द्वारा आउटस्टैंडिंग परफॉरमेंस		टेम्पलेट:Won
	टीन चॉइस अवार्ड्स	चॉइस मूवी ऐक्ट्रेस: ड्रामा		टेम्पलेट:Nom
	टीन चॉइस अवार्ड्स	टीन चॉइस मूवी फ्रेश फेस (महिला)		टेम्पलेट:Nom
	टीन चॉइस अवार्ड्स	चॉइस मूवी लिपलॉक(देव पटेल के साथ शेयर में)		टेम्पलेट:Nom