बरियारपट्टी गाँवपालिका

टेम्पलेट:Infobox settlement बरियारपट्टी नेपाल के प्रदेश संख्या 2 के सिराहा जिला में स्थित एगो गाँवपालिका बा। नेपाल में नाया 744 स्थानीय प्रशासनिक इकाई लागू भइला के बाद से सिराहा जिला के पहिले के कचनारी, जानकीनगर, बरियारपट्टी, तेनुवापट्टी आ जिझौल गांव विकास समिति सभ के मिला के बरियारपट्टी गांवपालिका बनल ह। ई गांवपालिका में अब 5 गो वार्ड बाड़ें।

इ गांवपालिका के कूल जनसंख्या 25,256 बा आ क्षेत्रफल 37.72 वर्गकिलोमिटर बाटे। एकर केंद्र पहिले के बरियारपट्टी गाविस के कार्यालय मे राखल गईल बा। एह गांवपालिका के उत्तर मे सुखीपुर नगरपालिका, लक्ष्मीपुर पतारी गांवपालिका, दक्खिन मे भारत पुरब मे नवराजपुर गांवपालिका आ पश्चिम मे औरही गांवपालिका बाटे।

भूगोल

बरियारपट्टी गांवपालिका नेपाल के सिराहा जिला के हिस्सा हवे आ ई नेपाल में दक्खिनी-पूरबी हिस्सा में पड़े ला। ई इलाका नेपाल के तराई वाला इलाका हवे, मने कि पहाड़ प्रदेश के दक्खिन में समथर जमीन वाला इलाका हऽ।

कोपेनहेगन विश्वविद्यालय के एगो अध्ययन, जेह में नेपाल के संभावित बनस्पति क्षेत्र सभ के अध्ययन कइल गइल रहे आ एह में हावापानी के नकशा भी बनावल गइल, एह अध्ययन के मोताबिक बनावल नक्शा के अनुसार इहाँ के जलवायु के निचला उष्णकटिबंधी जलवायु में रखल गइल बा हालाँकि, कोपेन के जलवायु बर्गीकरण के हिसाब से ई इलाका नम उष्णकटिबंधी जलवायु (Cwa) कटेगरी में रखल जाला।

स्थानिय प्रशासन आ शामिल इकाई सभ

नेपाल के बाकी गाँवपालिका सभ नियर, बरियारपट्टी गाँवपालिका में भी स्थानीय प्रशासन के ब्यवस्था बा। इहवों, गाँवपालिका के एक ठो कार्यालय बा आ गाँवपालिका के स्थानीय प्रशासन गांव कार्यपालिका द्वारा चलावल जाला जेकर अध्यक्ष आ उपाध्यक्ष चुनाव होकर चुनल जाला।

गिनती	गाँव के नाँव	कुल जनसंख्या (2011)
1.	कचनारी	6,480
2.	जानकीनगर	4,441
3.	बरियारपट्टी	5,129
4.	तेनुवापट्टी	4,240
5.	जिझौल	4,996

गाँवपालिका में आवे वाला गाँव सभ, जिनहन के पाहिले गाँउ बिकास समीति (गाविस) कहल जाय, के बिबरन नीचे दिहल गइल बा:

कचनारी

बरियारपट्टी गाँवपालिका के इकाई बा। पहिले ई कचनारी गाविस के रूप में रहल। नेपालके सन 2011 के जनगणना अनुसार कचनारी के 1,016 घर मे कूल जनसंख्या 6,480 बाटे। एह में मरदाना लोग के संख्या 3,252 आ औरत लोग के संख्या 3,228 बा।

जानकीनगर

बरियारपट्टी गाँवपालिका के इकाई बा। पहिले ई जानकीनगर गाविस के रूप में रहल। नेपालके सन 2011 के जनगणना अनुसार जानकीनगर के 723 घर मे कूल जनसंख्या 4,441 बाटे। एह में मरदाना लोग के संख्या 2,189 आ औरत लोग के संख्या 2,222 बा।

बरियारपट्टी

बरियारपट्टी, जे पहिले के ब्यवस्था में खुद एगो गाँवबिकास समिति रहल, अब अपनहीं नाँव के गाँवपालिका के इकाई भी बा। नेपालके सन 2011 के जनगणना अनुसार इहाँ के 906 घर मे कूल जनसंख्या 5,129 बाटे। एह में मरदाना लोग के संख्या 2,535 आ औरत लोग के संख्या 2,594 बा।

तेनुआपट्टी

बरियारपट्टी गाँवपालिका के इकाई बा। पहिले ई तेनुआपट्टी गाविस के रूप में रहल। नेपाल के सन 2011 के जनगणना अनुसार तेनुआपट्टी के 750 घर मे कूल जनसंख्या 4,240 बाटे। एह में मरदाना लोग के संख्या 2,034 आ औरत लोग के संख्या 2,206 बा।

जिझौल

बरियारपट्टी गाँवपालिका के इकाई बा। पहिले ई जिझौल गाविस के रूप में रहल। नेपालके सन 2011 के जनगणना अनुसार जिझौल के 860 घर मे कूल जनसंख्या 4,996 बाटे। एह में मरदाना लोग के संख्या 2,495 आ औरत लोग के संख्या 2,501 बा।

समाज आ संस्कृति

बरियारपट्टी में प्रमुख रूप से हिन्दू, मुस्लिम आ इसाई के माने वाला लोग निवास करत बा। जातीय बर्गीकरण देखल जाय तब इहाँ, यादव, कथवनिया, कोइर, दुसाध, चमार, मलाह, तेली, डोम, मुसहर, दोनवार आदि जाति के बस्ती बाटे।

हिंदू धर्म के लगभग सगरी परब-तिहुआर इहाँ मनावल जाला, जेह में संक्रांति, होली, दिपावली इत्यादि प्रमुख तिहुआर बाड़ें।

यातायात

बरियारपट्टी गांव मे सगरमाथा बस व्यवसायी संघ के एक ठो छोट टर्मिनल बा जहाँ से लोकल बस जीरोमाइल, लहान आ खोक्सी होके भी लहान तथा सिराहा तक जायेला। दिवा सेवा छोट सबारी जौन सुबह मे खोक्सी से सिंधुली होके काठमांडू तक जाला आ रात्रि सेवा भी खोक्सी से काठमांडू तक जाला।

हटिया सभ

• बरियारपट्टी हटिया: रविवार आ गुरुवार
• खोक्सी हटिया: रविवार आ गुरुवार
• तेनुवापट्टी हटिया: बुधवार आ शनिवार सायंकाल लागेला इहा साग-सब्जी के साथ-साथ शराब के बढि़या व्यापार होला।

इहो देखल जाय

• नेपाल के गाँवपालिका सभ के लिस्ट
• नेपाल के नगरपालिका सभ के लिस्ट

बाहरी कड़ी

• जिला समन्वय समिति के कार्यालय, सिराहा, नेपाल