बिस्व हिंदी दिवस

बिस्व हिंदी दिवस (World Hindi Day) हर साल 10 जनवरी के मनावल जाला। ई दिवस विश्व में हिंदी के बढ़ावा देवे खातिर आ हिंदी के एक ठो अंतर्राष्ट्रीय भाषा के रूप में परतिष्ठा दियावे खातिर मनावल जाला।

इतिहास

पहिला विश्व हिंदी सम्मलेन 10 जनवरी 1975 के नागपुर में भइल आ एक उद्घाटन तत्कालीन परधानमंत्री इंदिरा गाँधी द्वारा भइल। एही उपलक्ष्य में मनमोहन सिंह सरकार द्वारा विश्व हिंदी दिवस मनावे के घोषणा कइल गइल। पहिली बेर विश्व हिंदी दिवस 10 जनवरी 2006 के मनावल गइल। तबसे ई हर साल एह तारीख के मानवल जाला।

कार्यक्रम

सरकारी कार्यक्रम के रूप में बिस्व हिंदी दिवस भारत सरकार के कार्यालय सभ में मनावल जाला। ई दिन भारत के दूतावास सभ पूरा दुनिया में खास कार्यक्रम आयोजित करे लें। भारत सरकार के बिदेस मंत्रालय भी विश्व हिंदी दिवस पर बिबिध कार्यक्रम के आयोजन करे ला। साल 2016 में भोपाल में आयोजित सम्मेलन में भाषण देत समय भारत के परधानमंत्री नरेंद्र मोदी ई स्वीकार कइलेन की हिंदी भारत में एक ठो सर्वमान्य भाषा हवे। हर साल की तरह साल 2017 में भी बिस्व के अलग अलग जगह विश्व हिंदी दिवस मनावल जाए के तइयारी बाटे।

इहो देखल जाय

• हिंदी दिवस