मौनी अमौसा

मौनी अमौसा एगो हिंदू परब हवे जहिया ब्रत, पूजा आ नहान इत्यादि के धार्मिक रिवाज सभ के अनुसार माघ महीना के अमौसा मनावल जाला। हिंदू धर्म में तीन गो अमौसा सभ के खास महत्त्व हवे - कुआर के महालय अमौसा, कातिक के अमौसा यानी दिपावली, आ तीसरा ई माघ के अमौसा जेकरा के मौनी अमौसा के रूप में मनावल जाला। मौनी अमौसा के, मौन रह के नहान-धियान आ पूजा करे के बिधान हवे, यानी मुनि लोग के नियर आचरण करे के होला।

मौनी अमौसा, इलाहाबाद में लागे वाला माघ मेला आ हर बारहवाँ बरिस लागे वाला कुंभ मेला के सभसे प्रमुख नहान परब भी हवे, जहिया एह मेला के सभसे ढेर भीड़ होला।

इहो देखल जाय

• कुंभ मेला
• मकर संक्रांति
• दिपावली