रामनाथ कोविंद

टेम्पलेट:Infobox Indian politician रामनाथ कोविंद (जनम: 1 अक्टूबर 1945) भारत के मौजूदा आ 14वाँ राष्ट्रपति बाने। एकरे पहिले कोविंद बिहार के राज्यपाल आ राज्य सभा में सांसद भी रह चुकल बाने। तारीख 25 जुलाई 2017 के कोविंद भारत के राष्ट्रपति पद के सपथ लिहलें। कोविंद दुसरा अइसन राष्ट्रपति हवें जे दलित समुदाय से आवे लें आ भाजपा के सदस्य हवें। ई बिहार के गवर्नर के पद पर 2015 से 2017 ले रहलें।

कोविंद एक ठो दलित नेता हवें आ भारतीय जनता पार्टी के नेता हवें। कोविंद दिल्ली में वकील रहलें। राजनीतिक कैरियर के बात कइल जाय त कोविंद उत्तर प्रदेश राज्य से राज्यसभा में सांसद रह चुकल बाने। 19 जून 2017 के भाजपा अध्यक्ष अमित शाह इनके एनडीए के राष्ट्रपति उमीदवार के रूप में नामित कइल जाए के घोषणा कइलेन।

जिनगी

रामनाथ कोविंद के जनम 1 अक्टूबर 1945 के ब्रिटिश भारत के संजुक्त प्रांत (अब उत्तर प्रदेश) के कानपुर जिला (अब कानपुर देहात जिला) में भइल। कोविंद एक ठो दलित परिवार से हवें। कानपुर यूनिवर्सिटी से बीकॉम आ एलएलबी के पढ़ाई कइलें।

कोविंद के बियाह 30 मई 1974 के सविता कोविंद से भइल आ इनके एक ठो लड़िका प्रशांत आ एगो बेटी स्वाति बा लोग।

कैरियर

बिहार में एक ठो समारोह के दौरान नरेंद्र मोदी के साथे मंच पर कोविंद

वकील

कोविंद वकालत खातिर दिल्ली के आपन करमभूईं चुनलें आ दिल्ली हाई कोर्ट में 1977 से 1979 तक केंद्र सरकार के वकील रहलें। साल 1980 से 1993 तक केंद्र सरकार के स्टैंडिग काउंसिल में भी रहलें। कोविंद दिल्ली हाई कोर्ट आ सुप्रीम कोर्ट में 16 साल ले प्रैक्टिस कइलेन आ साल 1971 में दिल्ली बार काउंसिल खातिर नामांकित भइल रहलें।

राजनीति

कोविंद भारतीय संसद के राज्यसभा में दू टर्म खातिर सांसद रह चुकल बाने। उनके राज्य सभा में उत्तर प्रदेश के ओर से चुनल गइल। पहिला सांसद कार्यकाल 1994 में सुरू भइल जे 2000 ले रहल आ दूसरा कार्यकाल 2000 से 2006 ले रहल। अपना 12 साल के सांसद कार्यकाल में ऊ कई ठे संसदीय समीति सभ के अध्यक्ष भी रहलें।

अउरी दूसर नियुक्ती

कोविंद उत्तर प्रदेश के लखनऊ में मौजूद बाबासाहेब भीमराव अंबेडकर विश्वविद्यालय के मैनेजमेंट बोर्ड में शामिल रहलें आ आइआइएम कलकत्ता के बोर्ड ऑफ गवर्नर्स में सामिल रहलें। एकरे अलावा ई यूनाइटेड नेशंस में भारत के प्रतिनिधि के रूप में संबोधिक क चुकल बाने। यूनाइटेड नेशंस के जनरल असेंबली में इनके भाषण अक्टूबर 2002 में भइल।

गवर्नर

तारीख 8 अगस्त 2015 के भारत के राष्ट्रपति द्वारा इनका के बिहार के गवर्नर के रूप में नियुक्त कइल गइल। तारीख 16 अगस्त 2015 के पटना हाइकोर्ट के कार्यबाहक मुख्य जज इकबाल अहमद अंसारी इनके बिहार के पैंतीसवाँ राज्यपाल के रूप में शपथ दियवलें। ई कार्यक्रम पटना के राज भवन में भइल।

भारत के राष्ट्रपति के स्वागत करत राज्यपाल कोविंद 17 अप्रैल 2017 पटना

कोविंद के राज्यपाल के रूप में नियुक्ती पर ओह समय तत्काल में मौजूद बिहार के मुख्यमंत्री नीतीश कुमार के द्वारा आलोचना कइल गइल। एकर कारन ई रहे की ई नियुक्ती बिहार बिधानसभा चुनाव के कुछे महीना पहिले कइल गइल आ एह नियुक्ती में राज्य सरकार से कवनों सलाह-बारता ना कइल गइल जबकि सरकारिया कमेटी के अइसने रिकमेंडेशन हवे कि राज्य सरकार से सलाह लिहल जाय। हालाँकि, गवर्नर के रूपमें कोविंद के कार्यकाल के तैर्रिफ एगो न्यायिक कमीशन द्वारा कइल गइल जे एह बात के जाँच करत रहल कि बिहार में नाकाबिल अध्यापक लोग के नियुक्ती आ धन के कु-मैनेजमेंट इहँवा के इन्वर्सिटी सभ में भइल बा कि नाहीं। जून 2017 में जब कोविंद के भारत के राष्ट्रपति कंडीडेट के रूप में घोषणा भइल तब जरूर नीतीश कुमार एह बात के समर्थन कइलेन; एह समय ऊ कोबिंद के राज्यपाल के रूप में निष्पक्षता से काम करे के बात पर तारीफी भी कइलेन।

राष्ट्रपति चुनाव

19 जून 2017 के भारतीय जनता पार्टी के अध्यक्ष अमित शाह इनके राष्ट्रपति चुनाव, 2017 खातिर नेशनल डेमोक्रेटिक एलायंस (एनडीए) के उमेदवार के रूप में नामांकित करे के घोषणा कइलें। इनके सोझा कांग्रेस पार्टी के समर्थित उमेदवार मीरा कुमार रहली।

तारीख 17 जुलाई के राष्टपति के चुनाव खातिर वोटिंग पूरा भइल आ 20 जुलाई के वोट के गिनती कइल गइल आ रिजल्ट घोषित कइल गइल जेह में कोविंद बिजई घोषित कइल गइलें। 25 जुलाई से कोविंद के कार्यकाल सुरू भइल।

14वाँ राष्ट्रपति

राष्टपति कोबिंद, जस्टिस दीपक मिश्रा के सुप्रीम कोर्ट के चीफ जस्टिस के सपथ दियावे के समय, 28 अगस्त 2017

रामनाथ कोविंद भारत के 14वाँ राष्ट्रपति के रूप में 25 जुलाई 2017 के शपथ लिहलें।

राष्ट्रपति के रूप में बिदेस दौरा

साल	देस	इलाका जहाँ गइलें	तारीख	संदर्भ
2017	टेम्पलेट:Flag	जिबूती शहर	3 - 4 अक्टूबर
	टेम्पलेट:Flag	अदिस अबाबा	5 - 6 अक्टूबर
2018	टेम्पलेट:Flag	पोर्ट लुई	11 - 14 मार्च
	टेम्पलेट:Flag	एंतानारिवो	14 - 15 मार्च
	टेम्पलेट:Flag	मलाबो	7 - 9 अप्रैल
	टेम्पलेट:Flag	म्बाने	9 - 10 अप्रैल
	टेम्पलेट:Flag	लुसाका	10 - 12 अप्रैल
	टेम्पलेट:Flag	एथेंस	16 - 19 जून
	टेम्पलेट:Flag	परामारीबो	19 - 21 जून
	टेम्पलेट:Flag	हवाना	21 - 23 जून
	टेम्पलेट:Flag	निकोसिया	2 - 4 सितंबर
	टेम्पलेट:Flag	सोफिया	4 - 6 सितंबर
	टेम्पलेट:Flag	प्राग	6 - 9 सितंबर
	टेम्पलेट:Flag	दुशांबे	7–9 अक्टूबर
	टेम्पलेट:Flag	दा नांग, हनोई	18–21 नवंबर
	टेम्पलेट:Flag	सिडनी, मेलबर्न	21–24 नवंबर
2019	टेम्पलेट:Flag	जग्रेब, क्रोएशिया	25–27 मार्च
	टेम्पलेट:Flag	सांता क्रूज दे ला सिएरा	28–30 मार्च
	टेम्पलेट:Flag	सैंटियागो, चिली	30 March – 1 अप्रैल

बिबाद

साल 2010 में कोविंद के द्वारा ई कहे जाए के बात कहल जाला कि "इस्लाम आ ईसाई धर्म भारत खातिर अन्यदेशी (एलिएन) बाने" आ ई बात ऊ भाजपा प्रवक्ता के रूप में कहले रहलें। आइएएनएस के रिपोर्ट के अनुसार जे हिन्दुस्तान टाइम्स में छपल रहे ई चीज कहे के बात रंगनाथ मिश्र कमेटी के रपट के जबाब में कहल गइल रहे जे सरकारी नोकरी में 15 परसेंट आरक्षण धार्मिक आ भाषाई अल्पसंख्यक लोग खातिर देवे के बात कहले रहल। हालाँकि, ढेर हाल के समय में, ई मुद्दा मीडिया में बहस के बिसय बनल कि का उनके ई कहनाम गलत तरीका से कोट कइल गइल रहे, ऊ वास्तव में ई कहले रहलें कि “इस्लाम आ ईसाइयत (कास्ट (जाति) के) नोशन (नेशन ना) खातिर एलिएन बाड़े” जबकि एकरा के "नेशन" समझ लिहल गइल।

इहो देखल जाय

• भारतीय राष्ट्रपति चुनाव, 2017

बाहरी कड़ी

• रामनाथ कोविंद के बारे में क्या क्या जानते हैं?, बीबीसी पर। टेम्पलेट:In lang
• टेम्पलेट:Commons category-inline

टेम्पलेट:S-start टेम्पलेट:S-off टेम्पलेट:S-bef टेम्पलेट:S-ttl टेम्पलेट:S-aft |- टेम्पलेट:S-bef टेम्पलेट:S-ttl टेम्पलेट:S-inc टेम्पलेट:S-end