लाहौर

टेम्पलेट:Infobox settlement लाहौर (टेम्पलेट:Lang-pa; टेम्पलेट:Lang-ur) पाकिस्तान के पंजाब प्रांत के राजधानी हवे। जनसंख्या के हिसाब से ई कराची के बाद पाकिस्तान के दुसरका सभसे बड़हन शहर हवे। पाकिस्तानी पंजाब के उत्तरी-पूरबी हिस्सा में, भारत देस के पंजाब प्रांत के सीमा के लगहीं ई शहर बसल बाटे। लाहौर के गिनती दुनिया के बीटा-सिटी सभ में होला, आ ई पाकिस्तान के सभसे धनी शहर सभ में आवे ला जहाँ के जीडीपी 2014 के अनुमान $58.14 बिलियन (PPP पर) रहल।

लाहौर के पंजाब क्षेत्र के सांकृतिक राजधानी के रूप में जानल जाला, आ दुनिया के सभसे बड़हन पंजाबी शहर हवे। शहर के लमहर इतिहास बा आ ई हिंदू शाही, गजनवी, गोरी आ दिल्ली सल्तनत के शासन में रहल बा। मुगल काल में ई अपना चरम पर चहुँपल आ कई बरिस ले राजधानी भी रहल। एकरे बाद एह पर नादिर शाह के कब्जा हो गइल। कई ताकतन के बीच में संघर्ष जारी रहल आ ई शहर सिख साम्राज्य के राजधानी भी बनल। अंगरेजी राज में ई पंजाब प्रांत के राजधानी बनावल गइल। भारत आ पाकिस्तान के आजादी के लड़ाई में लाहौर शहर एगो प्रमुख केंद्र रहल आ पाकिस्तान के अलगा देस बनावे के प्रस्ताव लाहौरे में पास कइल गइल रहल। 1947 में पाकिस्तान बने के बाद लाहौर के पाकिस्तानी पंजाब के राजधानी बनावल गइल।

भूगोल

लाहौर के भूगोलीय लोकेशन 31°15′—31°45′ N आ 74°01′—74°39′ E पर बा आ एकरे उत्तर आ पुरुब में शेखूपुरा जिला, पुरुब में वाघा आ दक्खिन में कसूर जिला बाटे। रावी नदी एह शहर के उत्तर से बहे ले। शहर के कुल एरिया टेम्पलेट:Convert बाटे।

जलवायु

लाहौर कुछ-सूखा जलवायु वाला इलाका (कोपेन के जलवायु बर्गीकरण में BSh) में पड़े ला। सभसे गरम महीना जून के होला जब औसत ऊपरी तापमान आराम से टेम्पलेट:Convert के पार ले चहुँप जाला। मानसून के बरखा वाला सीजन जून के एकदम अंत में सुरू होखे ला आ सभसे नम महीना जुलाई के होला, भारी बरखा, झंझावात आ बादर फाटे नियर घटना एही महिन्ना में होखे लीं। सभसे ठंढा महिन्ना जनवरी के होला आ एह महीना में कोहरा भी पड़े ला।

शहर में अबतक के रिकार्ड हाई तापमान टेम्पलेट:Convert बा जे 30 मई 1944 के दर्ज कइल गइल रहल। टेम्पलेट:Convert तापमान 10 जून 2007 के दर्ज भइल रहल। चूँकि ई तापमान शेड में (छाहें) दर्ज कइल जाला, मौसम बिभाग के कहनाम रहल कि सीधे घाम में गर्मी के इंडेक्स टेम्पलेट:Convert रहल होखी। सभसे कम रिकार्ड तापमान टेम्पलेट:Convert 13 जनवरी 1967 के दर्ज कइल गइल। सभसे ढेर बरखा, 24-घंटा के दौरान, टेम्पलेट:Convert 13 अगस्त 2008 के दर्ज कइल गइल। एकरे अलावा 26 फरवरी 2011 के बरखा आ पाथर परे के घटना में टेम्पलेट:Convert जलपात भइल आ पहिली बेर हेतना पाथर दर्ज कइल गइल।