सोनिया गांधी

टेम्पलेट:Infobox officeholder सोनिया गांधी (9 दिसंबर 1946) एगो भारतीय राजनीतिक नेता बाड़ी। सोनिया गांधी के जनम इटली में भइल आ ई 1998 से वर्तमान ले भारतीय राष्ट्रीय कांग्रेस के अध्यक्ष बाड़ी। गांधी, भारत के भूतपूर्व परधानमंत्री राजीव गांधी के बिधवा हई।

1991 में राजीव गांधी के हत्या के बाद कांग्रेस के लोग इनका के राजनीति में आवे के अनुरोध कइल जेकरा के ई ओह समय ना मनली। अंत में 1997 में राजनीति में आवे खाती तइयार भ गइली; 1998 में ई कांग्रेस के अध्यक्ष चुन लिहल गइली।

साल 2004 से, लोकसभा में सत्ता में रहल यूनाइटेड प्रोग्रेसिव एलायंस (यूपीए), के अध्यक्ष रहली। जब इनका के सितंबर 2010 में चउथी बेर चुनल गइल, कांग्रेस के 125-साल के इतिहास में सभसे ढेर समय ले रहे वाली अध्यक्ष बन गइली। इनके बिदेस में जनमल होखे के मुद्दा पर बहुत बिबाद भइल।

इटली के बिजनेसमैन, ओट्टावियो क्वात्रोची के साथे इनके दोस्ती के ऊपर भी बिबाद रहल बा, क्वात्रोची बोफोर्स खरीद के बिचौलिया के भूमिका में रहलें। सोनिया गांधी, कांग्रेस के पाँचवी अइसन अध्यक्ष हई जे बिदेस में पैदा भइल होखे, हालाँकि आजादी के बाद ऊ अइसन पहिली बेकति बाड़ी। साल 2010 में फ़ोर्ब्स के सभसे ताकतवर महिला सभ के लिस्ट में गांधी 9वाँ अस्थान पर रहली।