Deprecated: Caller from MediaWiki\Extension\SmartCommons\Store\MetadataStore::selectOne ignored an error originally raised from MediaWiki\Extension\SmartCommons\Store\MetadataStore::updateMetadata: [1054] Unknown column 'scf_url' in 'SET' in /www/wwwroot/enwiki/w/includes/debug/MWDebug.php on line 385
Deprecated: Caller from MediaWiki\Page\PageProps::getProperties ignored an error originally raised from MediaWiki\Extension\SmartCommons\Store\MetadataStore::updateMetadata: [1054] Unknown column 'scf_url' in 'SET' in /www/wwwroot/enwiki/w/includes/debug/MWDebug.php on line 385 उत्तर प्रदेश के जिला सभ के लिस्ट - भोजपुरीपिडिया
भारतीय राज्य उत्तर प्रदेश के जिला सभ एकर प्रशासनिक बिभाग हवें जिनहन के कुल संख्या 75 गो बाटे (साल 2016)।[१] जिला सभ से बड़ इकाई मंडल होला, मने कि पूरा प्रदेश के कई गो मंडल में बाँटल गइल बा आ हर मंडल में कई गो जिला बाड़ें। मंडल के प्रशानिक अधिकारी कमिश्नर होला जेकरा हिंदी में मंडलायुक्त कहल जाला।
जिला के प्रशासनिक मुखिया जिला कलेक्टर होला जेकर सहायता खातिर कई ठे डिप्टी कलक्टर लोग होला। कानून ब्यवस्था के जिम्मेवारी, जिला स्तर पर, पुलिस कप्तान (ऍसपी) के होला।
बनबिभाग के मुख्य अधिकारी, एह स्तर पर, जिला बन अधिकारी (डीऍफ़ओ) होलें।
एक ठो जिला के निचला बिभाजन भी होला। हर एक जिला के कई तहसील में बाँटल गइल बा आ फिर तहसील सभ के कई ब्लॉक (बिकासखंड भा प्रखंड में बाँटल गइल बाटे। जिला स्तर पर कचहरी होल आ जिला जज लोग होलें।
पंचायती राज ब्यवस्था में भी जिला एगो प्रमुख इकाई होला आ एक तरह से सभसे बड़ इकाई भी होला। पूरा राज्य के जिला स्तर पर जिला पंचायत सभ में बाँटल गइल बा, एकरे नीचे क्षेत्र पंचायत (ब्लॉक में) आ ग्राम पंचायत (गाँव स्तर पर) होखे लीं। जिला पंचायत के सदस्य लोग के चुनाव सीधे जनता करे ले आ ऊ लोग आपस में एगो जिला पंचायत अध्यक्ष चुने लें। एह ब्यवस्था के मुख्य काम जिला आ एकरे निचला स्तर पर बिकास के कामकाज के देखरेख होला।
टेम्पलेट:Clearटेम्पलेट:Center
