मोइन उल हक स्टेडियम
टेम्पलेट:Infobox cricket ground
मोइन उल हक स्टेडियम बिहार राज्य के पटना मे एगो स्टेडियम बाटे। एहमे तीन गो एकदिवसीय अंतराष्ट्रीय मैच भईल बा जेमे से एगो मैच 1996 के विश्व कप के रहे। एकर क्षमता 24000 दरसक के बाटे। ई बिहार रणजी दल के घरेलू मैदान हटे। बिहार सरकार अबहिं एकर बिकास कऽ के 42,500 के क्षमता पे काज करऽता। बिहार के क्रिकेट टीम एह मैदान प बहुते रंजी मैच खेलल बा।
इतिहास[संपादन करीं | स्रोत संपादित करीं]
पहिले एकर नांव राजेन्द्र नगर स्टेडियम रहे। 1970 मे मोइन उल हक के नांव प हेकर नांव धराइल। जेवन की भारतीय ओलींपिक संघ के मुख सचिव रहन आ बिहार क्रिकेट संघ के संस्थापक लोग मे से एगो रहन।[१]
मैदान के जानकारी[संपादन करीं | स्रोत संपादित करीं]
ई एगो आधुनिक आ अंतराष्ट्रीय स्तर के स्टेडियम रहे।[२] बाकिर भारतीय क्रिकेट नियंत्रण बोर्ड आ बिहार क्रिकेट संघ के लड़ाई के चलते एह स्टेडियम मे मैच के आजोजन ना होखला के चलते ई पुरान हो गइल आ हेकर हालत खराब भ गइल। झारखंड आ बिहार मे बखरा लगला के बादि बिहार क्रिकेट के मान्यता चल गइल आ एहिजा रणजी ओ होखल बन हो गइल। बाकिर फेर मान्यता मिलला के बादि एहिजा रणजी होला आ बिहार रणजी दल एहीजे मेजबान बनि के खेलेला। एह मैदान के अंतराष्ट्रीय मानक प तेयार कईल जाता।