देवरिया जिला

टेम्पलेट:For टेम्पलेट:India Districts देवरिया ज़िला भारत देश की उत्तर प्रदेश राज्य में, एकदम पुरुब-उत्तर हिस्सा में एगो ज़िला हउए आ देवरिया नाँव के शहर ए ज़िला क मुख्यालय हउए।^[१]

भूगोल[संपादन करीं | स्रोत संपादित करीं]

एह जिला के भूगोलीय बिस्तार 26° 6′ उत्तर से 27° 8′ उत्तर अक्षांस ले आ 83° 29′ पुरुब से 84 ° 26′ पुरुब देशांतर ले बाटे।^[१] जिला के कुल रकबा (एरिया) 2,535 वर्ग किलोमीटर बा। एकरा उत्तर ओर कुशीनगर जिला, पच्छिम ओर गोरखपुर जिला आ दक्खिन ओर मऊ जिला आ बलियाँ जिला बाड़ें जबकि एकरे पुरुब ओर बिहार राज्य बा।

आमतौर पर ई इलाका मैदानी इलाका हवे आ बिचला गंगा मैदान के हिस्सा मानल जाला। सरजू, राप्ती आ छोटी गंडक एह जिला के प्रमुख नदी बाड़ीं। सरजू (घाघरा) नदी एह जिला के दक्खिनी सीमा बनावे ले आ लगभग सारा जलबहाव एही नदी में जाला। बरहज के लगे राप्ती नदी सरजू में मिले ले।

सलेमपुर, बरहज आ भाटपार रानी, देवरिया के अलावा प्रमुख शहर बाड़ें।

राजनीतिक आ प्रशासनिक बिभाजन[संपादन करीं | स्रोत संपादित करीं]

जिला एही नाँव के देवरिया लोकसभा चुनाव क्षेत्र में आवे ला। बिधानसभा चुनाव क्षेत्र में इहाँ कुल सात गो बिधान सभा क्षेत्र बाड़ें: रुद्रपुर (क्रम संख्या 336), देवरिया (337), पथरदेवा (338), रामपुर कारखाना (339), भाटपार रानी (340), सलेमपुर (341) अउरी बरहज (342) बाड़ें।^[१]

जिला के प्रशासन खातिर एकरा के पाँच गो तहसील में बाँटल गइल बाटे: देवरिया सदर, भाटपार रानी, बरहज, सलेमपुर आ रुद्रपुर। फिर एकरे बाद जिला में कुल 16 गो ब्लॉक (बिकासखंड) बाड़ें: बैतालपुर, बरहज, बनकटा, भागलपुर, भलुअनी, भटनी, भाटपार रानी, देवरिया सदर, देसही देवरिया, गौरी बाज़ार, लार,पथरदेवा, रामपुर कारखाना, रुद्रपुर, सलेमपुर अउरी तरकुलवा।^[१]

जनसंख्या[संपादन करीं | स्रोत संपादित करीं]

टेम्पलेट:Bar box भारत के जनगणना, 2011 के अनुसार देवरिया जिला के कुल आबादी 3,098,637 रहल।^[२] एह तरीका से भारत के कुल 640 जिला सभ में एकर अस्थान 114 रहल।^[२] जिला में जनसंख्या के घनत्व टेम्पलेट:Convert बाटे^[२] इहाँ के जनसंख्या के बढ़ती के दर 2001-2011 के दशक में 14.23% रहल।^[२] देवरिया जिला में मानव लिंगानुपात 1013 औरत प्रति 1000 मरदाना रहल,^[२] आ जिला में साक्षरता के डर 73.53% रहल।^[२]टेम्पलेट:Historical populations